اقش-تىڭ ەۆەرەتت قالاسىندا مانەرلەپ سىرعاناۋدان گران-پري سەرياسىنىڭ كەزەكتى كەزەڭى مارەسىنە جەتتى.
ايەلدەر اراسىنداعى جەكەلەي سىندا قازاقستان اتىنان سىنعا تۇسكەن سوفيا سامودەلكينا ەكى باعدارلاما قورىتىندىسى بويىنشا بەسىنشى ورىنعا يە بولدى.
قىسقا باعدارلامادان كەيىن وتانداسىمىز 61،03 ۇپاي جيناپ، 11-ورىنعا جايعاسقان ەدى.
ەركىن باعدارلامادا سوفيا 137،56 ۇپاي ەنشىلەپ، ءتورتىنشى ورىن الدى. وسىلايشا، قوس باعدارلاما قورىتىندىسىندا 198،59 ۇپاي جيناعان سپورتشى بىردەن التى ساتىعا كوتەرىلىپ، جارىستى بەسىنشى ورىنمەن اياقتادى.
236،81 ۇپاي جيناعان جاپونيالىق امي ناكاي جەڭىمپاز اتاندى. ەكىنشى ورىندى بەيتاراپ مارتەبەدە ونەر كورسەتكەن رەسەيلىك الەكساندرا يگناتوۆا (213،90) يەلەندى. ال ۇزدىك ۇشتىكتى تاعى ءبىر جاپونيالىق رينو ماتسۋيكە (211،63) تۇيىندەدى.
داستان كەنجالين،
استانا
SportPress.kz قازاقستان سپورت جاڭالىقتارى