تۋريزم جانە سپورت ءمينيسترى ەربول مىرزابوسىنوۆ قازاقستان كۇرەس فەدەراتسياسىنىڭ جۇمىسىنا باعا بەردى، دەپ حابارلادى SportPress.kz.
«ءبىر-ەكى جىلدىڭ ىشىندە التىن مەدال جەڭىپ الۋ وتە قيىن. كۇرەستە جاقسى ناتيجەگە جەتۋ ءۇشىن جۇيەلى جۇمىس قاجەت. مەنىڭ ويىمشا، فەدەراتسيا از ۋاقىتتا وڭىرلەردەگى جۇمىستى جولعا قويىپ، كۇرەس اكادەمياسىن قۇرۋعا كىرىستى.
استانادا وتكەن كونگرەستە فەدەراتسيا پرەزيدەنتى ەركىن وقاسوۆ بىرىككەن كۇرەس الەمى ۇيىمىنىڭ (UWW) بيۋرو مۇشەسى بولىپ سايلاندى. بۇل – قازاقستان كۇرەسى ءۇشىن تاريحي وقيعا. جاس سپورتشىلارىمىزدىڭ ناتيجەلەرى دە قۋانتادى. بيىل 23 جاسقا دەيىنگى پالۋاندار الەم چەمپيوناتىندا ءۇش التىن، ال 17 جاسقا دەيىنگى سپورتشىلار الەمدىك دودادا ەكى التىن مەدال جەڭىپ الدى. بۇل – بولاشاقتا الەمدىك دەڭگەيدە باسەكەگە تۇسە الاتىن مىقتى سپورتتىق رەزەرۆ»، دەدى مينيستر.
بۇعان دەيىن بىرىككەن كۇرەس الەمىنىڭ (UWW) پرەزيدەنتى نەناد لالوۆيچ استانادا كۇرەس تۇرلەرىنەن وتكەن الەم چەمپيوناتىنىڭ ۇيىمداستىرىلۋىنا جاقسى باعا بەرگەن بولاتىن.
SportPress.kz قازاقستان سپورت جاڭالىقتارى