• Қазақ
  •   
  • Qazaq
  •   
  • قازاق
  •   
  • Рус
  •   
    تۋريزم جانە سپورت مينيسترلىگى

    ازيادا: قازاقستان قورجىنىندا 84 جۇلدە

    جاپونيانىڭ ايچي پرەفەكتۋراسى مەن ونىڭ ورتالىعى ناگويا قالاسىندا وتكەن حح جازعى ازيا ويىندارىندا قازاقستان قۇراماسى 84 مەدال جەڭىپ الدى. قورجىندا 12 التىن، 24 كۇمىس، 48 قولا بار، دەپ حابارلادى SportPress.kz.

    ۇلتتىق قۇراما جالپىكوماندالىق ەسەپتە 8-ورىنعا تۇراقتاپ، حانچجوۋداعى ناتيجەسىن ءۇش ساتىعا جاقسارتتى.

    بوكستا قازاقستان 12 جىلدان كەيىن ازيادانىڭ التىن جۇلدەسى قايتا جەڭىپ الدى. تورەحان سابىرحان مەن ۇلتتىق قۇراما كاپيتانى ايبەك ورالباي چەمپيون اتاندى.

    ساپىمەن سەمسەرلەسۋدەن ەرلەر قۇراماسى فينالدا كورەيا رەسپۋبليكاسىن 43:42 ەسەبىمەن جەڭىپ، العاش رەت ازيادانىڭ التىن جۇلدەسىنە يەلەندى.

    اكادەميالىق ەسۋدە ۆلاديسلاۆ ياكوۆلەۆ پەن يۆان چەرنۋحين ەرلەر اراسىنداعى قوس ەسكەكتى قايىق جارىسىندا توپ جارىپ، ەلىمىزگە وسى سپورت تۇرىنەن العاشقى ازيادانىڭ التىن مەدالىن سىيلادى.

    تاەكۆوندودان تەمىرلان تىلەۋلەس 58 كەلىگە دەيىنگى سالماقتا چەمپيون اتانىپ، قازاقستان تاريحىنداعى وسى سپورت تۇرىنەن العاش رەت ازيادانىڭ چەمپيونى اتاندى.

    ۆەلوسپورتتا الەكسەي لۋتسەنكو ازياداداعى التىن مەدال سانىن التىعا جەتكىزدى. ريناتا سۇلتانوۆا ايەلدەر اراسىنداعى ۆەلوسپورتتان قازاقستانعا العاشقى التىن جۇلدەنى اكەلدى.

    كاراتەدەن جولامان بيعابىل مەن سوفيا بەرۋلتسەۆا چەمپيون اتاندى. ول ءۇشىن بۇل ازيا ويىندارىنداعى ەكىنشى التىن مەدال.

    ارالاس جەكپە-جەك ازيادا باعدارلاماسىنا العاش رەت ەنگىزىلىپ، قازاقستان سپورتشىلارى بىردەن ەكى التىن جانە ءبىر قولا مەدال جەڭىپ الدى.

    دزيۋدودان ۇلتتىق قۇراما جەكەلەي سىندا العاش رەت ءتورت فينالعا شىقتى. ەلدوس سمەتوۆ، ءابيبا ابۋجاقىنوۆا، ادىلەت المات پەن اجار اسحات كۇمىس جۇلدەگە يە بولدى. ارالاس كوماندالىق سىندا دا قازاقستان كۇمىس مەدال جەڭىپ الدى.

    سپورتتىق گيمناستيكادا ميلاد كاريمي ەركىن جاتتىعۋدا كۇمىس جۇلدەگە يە بولىپ، قازاقستانعا وسى باعدارلامادا 32 جىلدان كەيىن ازيادا مەدالىن اكەلدى.

    ەركىن كۇرەس شەبەرلەرى ءۇش قولا مەدالگە يە بولدى. ايەلدەر قۇراماسى ءبىر كۇمىس جانە ەكى قولا جۇلدەنى يەلەندى.

    وسىلايشا بىرقاتار سپورت تۇرىنەن ۇلتتىق قۇراما ەل تاريحىنداعى جاڭا بەلەستەردى باعىندىردى.

     

    پىكىر جازۋ

    Your email address will not be published. Required fields are marked *

    *