تۋريزم جانە سپورت ءمينيسترى ەربول مىرزابوسىنوۆ ازيا ويىندارىنىڭ التىن جۇلدەگەرلەرىنە بەرىلەتىن سىياقى بيۋدجەتتەن تىس قاراجات ەسەبىنەن 40 مىڭ دوللارعا ۇلعايتىلعانىن مالىمدەدى، دەپ حابارلادى SportPress.kz.
«بيىل فەدەراتسيالار مەن سپورتتى قولداۋ قورى ارقىلى بيۋدجەتتەن تىس قاراجات ەسەبىنەن ازيا ويىندارىنىڭ چەمپيوندارىنا بەرىلەتىن سىياقىنى 50 مىڭ دوللارعا دەيىن ارتتىردىق. ال وزگە جۇلدەگەرلەرگە تيەسىلى تولەمدەر مەملەكەتتىك ورگاندارمەن كەلىسۋ جۇمىستارى جانە حالىقارالىق فەدەراتسيالارمەن بايلانىستى قاجەتتى راسىمدەر اياقتالعاننان كەيىن بەرىلەدى»، – دەدى مينيستر.
جاپونيانىڭ ايچي پرەفەكتۋراسى مەن ونىڭ ورتالىعى ناگويا قالاسىندا وتكەن حح جازعى ازيا ويىندارىندا قازاقستان قۇراماسى 12 التىن، 24 كۇمىس، 48 قولا، جالپى بارلىعى 84 مەدال جەڭىپ العان ەدى. قازاقستان قۇراماسى ازيادادا جالپىكوماندالىق ەسەپتە سەگىزىنشى ورىن الدى. ال پارا ازيا ويىندارىندا وتانداستارىمىز 12 التىن، 16 كۇمىس، 22 قولا جۇلدە الىپ، بارلىعى 50 مەدال يەلەندى. بۇل سىندا سپورتشىارىمىز جالپىكوماندالىق ەسەپتە توعىزىنشى ورىنعا يە بولدى.
SportPress.kz قازاقستان سپورت جاڭالىقتارى