• Қазақ
  •   
  • Qazaq
  •   
  • قازاق
  •   
  • Рус
  •   
    نۇرعالي جۇماعازىنىڭ جەكەمۇراعاتى

    ءوز ءىسىنىڭ شەبەرى

    فوتوتىلشىلەر — ءبىزدىڭ زامانىمىزدىڭ تاريحىن جاساپ جاتقان ارىپتەستەرىمىز. ويتكەنى فوتوعا ءتۇسىرىپ، وعان ءتىل ءبىتىرۋ اسا دارىندىلاردىڭ عانا قولىنان كەلەتىن ونەر. بۇگىنگى كۇنى تۇسىرىلگەن قاراپايىم فوتو سۋرەتتەر بىرنەشە ونجىلدىقتان كەيىن باعا جەتپەس تاريحي قۇجاتقا اينالادى.

    ءيا، ادامداردىڭ كەسكىن-كەلبەتىن، وقيعالاردى جىلت ەتكىزىپ تۇسىرە سالۋعا بولادى. بىراق ادامنىڭ بولمىس-ءبىتىمىن،  اينالادا بولىپ جاتقان نارسەنىڭ ءبارىن فوتوسۋرەتتەر ارقىلى ءتىل ءبىتىرۋ، سويلەتۋ ەكىنىڭ ءبىرىنىڭ قولىنان كەلە بەرمەيدى. بەلگىلى ءفوتوتىلشى نۇرعالي جەتكەرگەن ۇلى جۇماعازى وسى ءبىر قاس-قاعىم ساتتىك ونەردى جانىنا سەرىك ەتىپ، تاريح بەتىنە وشپەس ءىز قالدىرىپ كەلە جاتقان ناعىز ونەر مەن اقپارات مايدانىنىڭ ساربازى.

    نۇرعالي جۇماعازى – سپورت فوتوگرافى. ونىڭ سپورت سالاسىنداعى ەڭبەك ءوتىلى – 10 جىل.

    كاسىبي ەڭبەك جولىن پاراليمپيادالىق سپورت سالاسىندا باستاپ، ءتورت جىل بويى پاراسپورتشىلارمەن جۇمىس ىستەدى. وسى كەزەڭدە بىرنەشە سپورت فەدەراتسياسىندا مەديا وفيتسەر قىزمەتىن اتقارىپ، سپورتتىق ءىس-شارالاردى اقپاراتتىق جاعىنان ناسيحاتتاۋ، فوتو جانە مەديا كونتەنت ازىرلەۋ باعىتىندا تاجىريبە جيناقتادى.

    2022 جىلدان باستاپ وليمپيادالىق سپورت تۇرلەرىنە اۋىسىپ، حالىقارالىق دەڭگەيدەگى ءىرى سپورتتىق جارىستاردا سپورت فوتوگرافى رەتىندە قىزمەت اتقارىپ كەلەدى.

    وسى ۋاقىت ارالىعىندا ول قىتايدىڭ حانچجوۋدا قالاسىندا وتكەن جازعى ازيا ويىندارىنان، حاربيندە بولعان قىسقى ازيا ويىندارىنان، جاپونيانىڭ ايچي پرەفەكتۋراسى مەن ونىڭ ورتالىعى ناگويا شاھارىندا جالاۋى جەلبىرەگەن ازيا ويىندارىنان، فرانتسيانىڭ استاناسى پاريجدە ۇيىمداستىرىلعان وليمپيادا جانە پاراليمپيادا ويىندارىنان، سونداي-اق وڭتۇستىك كورەيانىڭ كانۆون  قالاسىندا وتكىزىلگەن جاسوسپىرىمدەر اراسىنداعى قىسقى وليمپيادا ويىندارىنان رەپورتاج جاريالادى.

    سونىمەن قاتار 20-دان استام الەم چەمپيوناتىندا، ازيا چەمپيوناتتارىندا، يسلام ىنتىماقتاستىعى ويىندارى مەن تمد ەلدەرىنىڭ سپورتتىق جارىستارىندا فوتوگراف رەتىندە قىزمەت اتقاردى.

    نەگىزگى كاسىبي باعىتى – سپورتتىق فوتوگرافيا، حالىقارالىق جارىستاردى فوتو ارقىلى جاريالاۋ، سپورتشىلاردىڭ جارقىن ساتتەرى مەن تاريحي جەتىستىكتەرىن كاسىبي دەڭگەيدە ءتۇسىرۋ.

    SportPress.kz اقپاراتتىق-ساراپتامالىق سپورت سايتىنىڭ رەداكتسياسى ارىپتەسىمىزدىڭ قانداي ماراپاتقا بولسا دا لايىق ازامات ەكەنىن ايتىپ، جۇمىسىنىڭ بەرەكەلى بولىپ، ەڭبەگىنىڭ جەمىسىن كورە بەرۋگە تىلەكتەستىگىن بىلدىرەدى.

     

    پىكىر جازۋ

    Your email address will not be published. Required fields are marked *

    *