SportPress.kz Qazaqstan sport jańalyqtary
Bilim jáne ǵylym mınıstrligi Ulttyq ǵylymı-praktıkalyq dene tárbıesi ortalyǵynyń uıymdastyrýymen elimizde jastar arasynda voleıboldy damytý, stýdentterdiń halyqaralyq jarystarǵa qatysýy úshin qurama komandany anyqtaý jáne joǵary oqý oryndarynyń sport klýbtary arasyndaǵy baılanystardy arttyrý maqsatynda Qazaqstan stýdentter lıgasy bastaldy, dep habarlady atalǵan ortalyqtyń baspasóz qyzmeti.
Lıga 5 týrdan turady. FIVB halyqaralyq erejeleri boıynsha ótkizilýde.
| 1-týr | 23.02-01.03.2020 j. | Túrkistan qalasy (Qoja Ahmet Iasaýı atyndaǵy HQTÝ); |
| 2-týr | 9-16.03.2020 j. | О́skemen (D. Serikbaev atyndaǵy ShQMTÝ); |
| 3-týr | 13-20.04.2020 j. | Almaty (Ál-Farabı atyndaǵy QazUÝ); |
| 4-týr | qazan 2020 j. | Qyzylorda (Qorqyt Ata atyndaǵy QMÝ); |
| 5-týr | qarasha 2020 j. | Túrkistan (Qoja Ahmet Iasaýı atyndaǵy HQTÝ); |
1-týr 23 aqpanda bastaldy. Osy kúnderi 5 komandanyń arasynda úzdikter belgili boldy. Birinshi oryndy Q.A.Iasaýı atyndaǵy HQTÝ (Túrkistan) jeńip aldy. Ekinshi oryndy Qorqyt ata QMÝ (Qyzylorda) ıelendi. Al úshinshi orynǵa D.Serikbaev atyndaǵy ShQTMÝ (О́skemen) jaıǵasty.
Kelesi aınalym О́skemen qalasynda ótedi.
