ۇزدىكتەردىڭ توبىندا

تاريحتا العاش رەت قازاقستان رەسپۋبليكاسىنىڭ اۋىر اتلەتيكادان جاستار قۇراماسى بانگكوكتا وتكەن الەمدىك چەمپيوناتتا ءۇشىنشى ورىندى يەلەنىپ، 2018 جىلى وتەتىن جاستار اراسىنداعى وليمپيادالىق ويىندارعا وزىنە ماكسيمالدى ليتسەنزيالار سانىن قامتاماسىز ەتتى. ءبىزدىڭ توپتىڭ قورجىنىندا 6 مەدال بار، ونىڭ ىشىندە ءۇش «التىن»، ءبىر «كۇمىس» جانە ەكى «قولا».

جالپىكوماندالىق ەسەپ: ەر بالالار

1 ورىن: قىتاي

2 ورىن: يران

3 ورىن: قازاقستان

4 ورىن: رەسەي

5 ورىن: تۇركيا

6 ورىن: اقش

7 ورىن: تايلاند

جالپىكوماندالىق ەسەپ: قىزدار

1 ورىن: قىتاي

2 ورىن: تايلاند

3 ورىن: قازاقستان

4 ورىن: اقش

5 ورىن: وزبەكستان

6 ورىن: رۋمىنيا

7 ورىن: تۇركيا

قازاقستان جاستار قۇراماسىنىڭ اعا جاتتىقتىرۋشىسى باقىت احمەتوۆ:

— مەنى جاعىمدى ەموتسيالار كەرنەپ بارادى. ءبىز ۇزاق ۋاقىت بويى دايىندالدىق، كوپ جاتتىقتىق، توپتى وتكەن جىلى قۇرىپ، جەلتوقسان ايىندا بىزدەر وقۋ-جاتتىعۋ جيىندارىن تارازدا، سودان كەيىن كازاندا باستاپ كەتتىك. بالالار ەشقانداي دەمالىسسىز جۇمىس جاساپ، كۇنىنە بىرنەشە رەت جاتتىقتى، سوندىقتان وسىنداي ناتيجەگە يە بولدى. شىندىعىنا كەلەتىن بولساق، جالپىكوماندالىق ەسەپ بويىنشا «قولا» جۇلدەنى العانىمىزعا مەن تاڭ قالدىم، سەبەبى ءبىزدىڭ قارسىلاستارىمىز وتە كۇشتى – قىتاي، كورەيا، اقش سياقتى ەلدەردىڭ قۇرامالارى بولدى…ۇزدىك جەتىلىك قاتارىنا ىلىگۋ جانە وليمپيادا ويىندارىنا ليتسەنزيالاردىڭ تولىق كومپلەكتىسىن جەڭىپ الۋ – ءبىزدىڭ باستى ماقساتىمىز بولدى، ەندى بۇل ماقساتتى اسىرا ورىنداپ تاستادىق (ك ۇلىمدەيدى). 16 بالانىڭ ىشىنەن تەك قانا تورتەۋىنىڭ حالىقارالىق ستارتتاردا ونەر كورسەتۋدەن تاجىريبەسى بار، قالعاندارى دەبيۋتانت بولدى، سوندىقتان ءبىز ءۇشىن ءار شىعۋ باعالى بولدى. بالالار قوبالجىدى دەپ ايتۋ – ەشتەڭە ايتپاعانمەن تەڭ، جەتكىلىكسىز! كەيبىر قىزدار ءدال الاڭعا شىعار الدىندا جىلاي باستادى، مىنە سول كەزدە بىزدەر (ەسك.: باپكەرلەر شتابى) قوبالجىدىق. ونداي جاعدايلاردا، سپورتشى ءوزىن سەنىمدى سەزىنۋ ءۇشىن، ءبىز باستاپقى سالماقتى ءسال ازايتامىز. سپورتشىلاردىڭ دايىندىعى ستارتقا دەيىن كۇنى بۇرىن باستالادى، ۇيقى الدىندا ءبىز ولارمەن سويلەسىپ، جاقسىلاپ ۇيقىلارىن قاندىرۋدى، ءتۇنى بويى جارىس تۋرالى ويلاماۋلارىن ايتتىق. سودان كەيىن، ءدال الاڭعا شىعار الدىندا بالداردى تىنىشتالدىرىپ، ەموتسيانالدى كۇيزەلىستى ازايتۋعا تىرىستىق. بەلگىلى بىرەۋدى عانا ماقتاعىم كەلمەيدى، سەبەبى بارلىق بالدار تىرىسىپ، ورتاق ناتيجەگە اربىرەۋى ءوزىنىڭ ۇلەسىن قوستى. بۇل ماقساتتى ءبىز ورىندادىق، ەندى جاڭا ماقساتتار قويىپ، ەڭ جاقىن ماقساتقا – 2018 جىلى وتەتىن وليمپيادا ويىندارىنا جەتۋ.

قازاقستان قۇراماسىنىڭ قورجىنىنا العاشقى «التىندى» اناتولي ساۆەلەۆ (62 كگ دەيىن) اكەلدى. ناتيجەسىندە ءبىزدىڭ سپورتشى 281 كيلوگرامم (127+154) كوتەرىپ، قىتايلىق قۋدالاۋشىسىن (126+150) بەس ۇپايعا وزىپ ءوتتى.

— بۇل چەمپيوناتقا دەگەن دايىندىق كۇردەلى بولدى – ءبىز تارازدا جانە كازاندا وتە كوپ ۋاقىت جاتتىعۋ جيىندارىن وتكىزدىك. ارينە، مەنىڭ ماقساتىم بۇل بىرىنشىلىككە قاتىسىپ، ءبىزدىڭ رەسپۋبليكامىزدى لايىقتى دەڭگەيدە كورسەتىپ، «التىن» جەڭىپ الۋ بولاتىن – سول ماقساتىم ورىندالدى. العاشقى بولىپ مەنى قۇتتىقتاعان مەنىڭ باپكەرىم – كلەنوۆيتسكيالەكسەي يۆانوۆيچ. ول مەنى وسى «الەمگە» دايىنداپ، بارلىق جاعىنان قولداۋ كورسەتتى. جالپى قۇرامانىڭ بارلىق باپكەرلىك شتابىنا ءوز العىسىمدى بىلدىرگىم كەلەدى. كەلەسى جوسپار – جاتتىعۋلاردى جالعاستىرۋ، تەپمتى ازايتپاي، كەلەسى سايىستارعا دايىندالۋ.

اسىلجان بەكتاي (77 كگ دەيىن) قولا جۇلدەنى ۇتىپ الدى. ەكى جاتتىعۋدىڭ قورىتىندىسى بويىنشا، ءبىزدىڭ اۋىراتلەتشى 306 كيلوگرامم (140+166) سالماقتى كوتەردى. وعان قوسا، جۇلقا كوتەرۋ مەن سەرپە كوتەرۋدەن اسىلجان كىشى قولا جۇلدەلەردى جەڭىپ الدى. بۇل سالماق بويىنشا ءبىرىنشى ورىندى الەمدىك رەكوردپەن 332 كيلوگرامم (140+192) اقش سپورتشىسى يەلەندى، ال «كۇمىس» جۇلدە رەسەيدىڭ قانجىعاسىنا ءتيدى 312 كيلوگرامم (142+170).

63 كيلوگراممعا دەيىنگى سالماق دارەجەسىندە، قىتايلىق باقتالاسى لي فاننان جەڭىلىس تاۋىپ 210 كگ (93+117)، داريا پاۆلوۆا ەكىنشى ورىندى يەلەندى 201كگ (90+111).

قازاقستاندىق قۇراما قورجىنىنا ەكىنشى «قولا» جۇلدەنى كارينا كۋزگانباەۆا (94+113) جەڭىپ الدى. سپورتشى 69 كيلوگراممعا دەيىنگى سالماق دارەجەسىندە ونەر كورسەتتى. بۇل سالماقتا «كۇمىستى» كولۋمبيالىق سپورتشى — 209 كگ (95+114) السا، ال «التىندى» ەكۆادورلىق سپورتشى — 220 كگ (100+120) جەڭىپ الدى.

— ناتيجەمەن قاناعاتتانامىن، بىراق، سەرپە كوتەرۋدە ازداپ قاتەلىك جاسادىم. ءوز قاتەلەرىمدى تاۋىپ، ولاردى دۇرىستاۋعا جۇمىس جاسايمىن. الداعى جوسپار – ءوز جاقىندارىممەن، تۋما-تۋىستارىممەن ۇيدە كەزدەسىپ، كەيىن كەلەسى ستارتتارعا دايىندىقتى جالعاستىرۋ.

85 كيلوگراممعا دەيىنگى سالماق دارەجەسىندە ارتەم انتروپوۆ چەمپيون اتاندى. ەكى جاتتىعۋدىڭ قورىتىندىسى بويىنشا، اتلەت — 323 كيلوگرامم (148+185) ناتيجەسىن كورسەتتى. كۇمىس مەدالدى پولشا وكىلى جەڭىپ السا – 318 كگ (143+175)، ال يراندىق سپورتشى قولا جۇلدەگەر اتاندى — 304 كگ (132+172).

— بۇل مەنىڭ ەكىنشى حالىقارالىق ستارتىم، ءبىرىنشىسى وتكەن جىلى مالايزيادا بولدى، وسى دارەجەدە مەن 7-ءشى بولدىم. ول كەزدە مەن جۇلقا كوتەرۋدەن – 135 كگ، ال سەرپە كوتەرۋدەن — 174 كگ ناتيجە كورسەتكەن بولاتىنمىن. بۇل جولى مەنىڭ قارسىلاستارىم وتە كۇشتى دايىندىقپەن كەلگەن. جۇلقا كوتەرۋدەن مەن ءۇشىنشى بولىپ كەلە جاتىردىم، سەبەبى بۇل جاتتىعۋ مەندە سەرپە كوتەرۋمەن سالىستىرعاندا شامالى باسەڭدەۋ، سوندىقتان ءبىزدىڭ ماقساتىمىز جۇلقا كوتەرۋدەن بارلىق ءۇش شىعۋدا دا جاقسى جۇمىس جاساپ، قارسىلاستار اراسىنداعى الشاقتىقتى بارىنشا قىسقارتۋ بولاتىن، ال سەرپە كوتەرۋدە ولارعا جەتىپ الىپ، جەڭىسكە جەتۋ. جاقسى كۇرەس بولدى. باپكەرلەرگە مەنى وسى ستارتقا دايىنداعاندارى ءۇشىن ۇلكەن العىسىمدى بىلدىرەمىن. ءبىزدى زالدا قولداعان جانە ينتەرنەت ارقىلى كورگەن جانكۇيەرلەرگە ەرەكشە راحمەتىمدى ايتقىم كەلەدى.

75 كيلوگراممعا دەيىنگى سالماق دارەجەسىندە قازاقستاندىق قۇراما قورجىنى تاعى دا ءبىر التىن مەدالمەن تولىقتىرىلدى. ونىڭ اۆتورى 15 جاسار – ولگا پاستۋحوۆا. قوسسايىس ەسەبى بويىنشا، ول — 211 كيلوگرامم (91+120) ناتيجەسىن كورسەتىپ، وزبەكستاندىق – 197 (89+108) جانە مەكسيكالىق – 196 (90+106) سپورتشىلاردى ارتقا تاستادى.

— مەن ءۇشىن بۇل العاشقى «الەم»، ءوزىمنىڭ كورسەتكەن ونەرىممەن قاناعاتتانامىن، بارلىق التى شىعۋدى ورىندادىم، ءبىرىنشى ورىندى الدىم. ەڭ جاعىمدى اسەرىم الدىم، بىراق، شىعار الدىندا مەن قورقىنىشتى بولادى دەپ ويلادىم، ال شىن مانىندە ولاي ەمەس، ءبارى كەرەمەت ءوتتى! «الەمدە» مۇلدە باسقاشا اسەردە بولاسىن، ول ۇيدەگى پوموستتا الاتىن اسەردەن ەرەكشە. مەن شتانگانى تولىق سەزىندىم، كۋراج، قوبالجۋ، قارسىلاستاردىڭ ايقايى! جۇلقا كوتەرۋدە مەن ەكى كيلوگراممعا ۇتىپ الدىم، ال سەرپە كوتەرۋدە قارسىلاستار 108 كيلوگراممدا بىتىرگەن بولسا، مەن 110-نان باستادىم، ودان كەيىن 115 جانە 120. ءبىزدىڭ باپكەرلەرىمىزگە ولاردىڭ ەڭبەگى جانە قولداۋلارى ءۇشىن ۇلكەن العىسىمدى بىلدىرگىم كەلەدى، ولارسىز ەشتەڭە بولمايتىن ەدى. جوسپارلار؟ وليمپياداعا ءوتۋ جانە ۇزدىك ۇشتىك قاتارىنا ىلىگۋ. ول ءۇشىن مەن بار كۇشىمدى سالامىن!