Úzdikterdiń tobynda

Tarıhta alǵash ret Qazaqstan Respýblıkasynyń aýyr atletıkadan jastar quramasy Bangkokta ótken álemdik chempıonatta úshinshi oryndy ıelenip, 2018 jyly ótetin jastar arasyndaǵy Olımpıadalyq oıyndarǵa ózine maksımaldy lıenzııalar sanyn qamtamasyz etti. Bizdiń toptyń qorjynynda 6 medal bar, onyń ishinde úsh «altyn», bir «kúmis» jáne eki «qola».

Jalpykomandalyq esep: er balalar

1 oryn: Qytaı

2 oryn: Iran

3 oryn: Qazaqstan

4 oryn: Reseı

5 oryn: Túrkııa

6 oryn: AQSh

7 oryn: Taıland

Jalpykomandalyq esep: qyzdar

1 oryn: Qytaı

2 oryn: Taıland

3 oryn: Qazaqstan

4 oryn: AQSh

5 oryn: О́zbekstan

6 oryn: Rýmynııa

7 oryn: Túrkııa

Qazaqstan jastar quramasynyń aǵa jattyqtyrýshysy BAQYT AHMETOV:

— Meni jaǵymdy emoııalar kernep barady. Biz uzaq ýaqyt boıy daıyndaldyq, kóp jattyqtyq, topty ótken jyly quryp, jeltoqsan aıynda bizder oqý-jattyǵý jıyndaryn Tarazda, sodan keıin Kazanda bastap kettik. Balalar eshqandaı demalyssyz jumys jasap, kúnine birneshe ret jattyqty, sondyqtan osyndaı nátıjege ıe boldy. Shyndyǵyna keletin bolsaq, jalpykomandalyq esep boıynsha «qola» júldeni alǵanymyzǵa men tań qaldym, sebebi bizdiń qarsylastarymyz óte kúshti – Qytaı, Koreıa, AQSh sııaqty elderdiń quramalary boldy…Úzdik jetilik qataryna iligý jáne Olımpıada Oıyndaryna lıenzııalardyń tolyq komplektisin jeńip alý – bizdiń basty maqsatymyz boldy, endi bul maqsatty asyra oryndap tastadyq (kúlimdeıdi). 16 balanyń ishinen tek qana tórteýiniń halyqaralyq starttarda óner kórsetýden tájirıbesi bar, qalǵandary debıýtant boldy, sondyqtan biz úshin ár shyǵý baǵaly boldy. Balalar qobaljydy dep aıtý – eshteńe aıtpaǵanmen teń, jetkiliksiz! Keıbir qyzdar dál alańǵa shyǵar aldynda jylaı bastady, mine sol kezde bizder (esk.: bapkerler shtaby) qobaljydyq. Ondaı jaǵdaılarda, sportshy ózin senimdi seziný úshin, biz bastapqy salmaqty sál azaıtamyz. Sportshylardyń daıyndyǵy startqa deıin kúni buryn bastalady, uıqy aldynda biz olarmen sóılesip, jaqsylap uıqylaryn qandyrýdy, túni boıy jarys týraly oılamaýlaryn aıttyq. Sodan keıin, dál alańǵa shyǵar aldynda baldardy tynyshtaldyryp, emoıanaldy kúızelisti azaıtýǵa tyrystyq. Belgili bireýdi ǵana maqtaǵym kelmeıdi, sebebi barlyq baldar tyrysyp, ortaq nátıjege árbireýi óziniń úlesin qosty. Bul maqsatty biz oryndadyq, endi jańa maqsattar qoıyp, eń jaqyn maqsatqa – 2018 jyly ótetin Olımpıada Oıyndaryna jetý.

Qazaqstan quramasynyń qorjynyna alǵashqy «altyndy» Anatolıı Savelev (62 kg deıin) ákeldi. Nátıjesinde bizdiń sportshy 281 kılogramm (127+154) kóterip, Qytaılyq qýdalaýshysyn (126+150) bes upaıǵa ozyp ótti.

— Bul Chempıonatqa degen daıyndyq kúrdeli boldy – biz Tarazda jáne Kazanda óte kóp ýaqyt jattyǵý jıyndaryn ótkizdik. Árıne, meniń maqsatym bul birinshilikke qatysyp, bizdiń Respýblıkamyzdy laıyqty deńgeıde kórsetip, «altyn» jeńip alý bolatyn – sol maqsatym oryndaldy. Alǵashqy bolyp meni quttyqtaǵan meniń bapkerim – KlenovıkııAlekseı Ivanovıch. Ol meni osy «álemge» daıyndap, barlyq jaǵynan qoldaý kórsetti. Jalpy Quramanyń barlyq bapkerlik shtabyna óz alǵysymdy bildirgim keledi. Kelesi jospar – jattyǵýlardy jalǵastyrý, tepmti azaıtpaı, kelesi saıystarǵa daıyndalý.

Asyljan Bektaı (77 kg deıin) qola júldeni utyp aldy. Eki jattyǵýdyń qorytyndysy boıynsha, bizdiń aýyratletshi 306 kılogramm (140+166) salmaqty kóterdi. Oǵan qosa, julqa kóterý men serpe kóterýden Asyljan kishi qola júldelerdi jeńip aldy. Bul salmaq boıynsha birinshi oryndy álemdik rekordpen 332 kılogramm (140+192) AQSh sportshysy ıelendi, al «kúmis» júlde Reseıdiń qanjyǵasyna tıdi 312 kılogramm (142+170).

63 kılogrammǵa deıingi salmaq dárejesinde, qytaılyq baqtalasy Lı Fannan jeńilis taýyp 210 kg (93+117), Darıa Pavlova ekinshi oryndy ıelendi 201kg (90+111).

Qazaqstandyq Qurama qorjynyna ekinshi «qola» júldeni Karına Kýzganbaeva (94+113) jeńip aldy. Sportshy 69 kılogrammǵa deıingi salmaq dárejesinde óner kórsetti. Bul salmaqta «kúmisti» Kolýmbııalyq sportshy — 209 kg (95+114) alsa, al «altyndy» Ekvadorlyq sportshy — 220 kg (100+120) jeńip aldy.

— Nátıjemen qanaǵattanamyn, biraq, serpe kóterýde azdap qatelik jasadym. О́z qatelerimdi taýyp, olardy durystaýǵa jumys jasaımyn. Aldaǵy jospar – óz jaqyndarymmen, týma-týystarymmen úıde kezdesip, keıin kelesi starttarǵa daıyndyqty jalǵastyrý.

85 kılogrammǵa deıingi salmaq dárejesinde Artem Antropov chempıon atandy. Eki jattyǵýdyń qorytyndysy boıynsha, atlet — 323 kılogramm (148+185) nátıjesin kórsetti. Kúmis medaldi Polsha ókili jeńip alsa – 318 kg (143+175), al Irandyq sportshy qola júldeger atandy — 304 kg (132+172).

— Bul meniń ekinshi halyqaralyq startym, birinshisi ótken jyly Malaızııada boldy, osy dárejede men 7-shi boldym. Ol kezde men julqa kóterýden – 135 kg, al serpe kóterýden — 174 kg nátıje kórsetken bolatynmyn. Bul joly meniń qarsylastarym óte kúshti daıyndyqpen kelgen. Julqa kóterýden men úshinshi bolyp kele jatyrdym, sebebi bul jattyǵý mende serpe kóterýmen salystyrǵanda shamaly báseńdeý, sondyqtan bizdiń maqsatymyz julqa kóterýden barlyq úsh shyǵýda da jaqsy jumys jasap, qarsylastar arasyndaǵy alshaqtyqty barynsha qysqartý bolatyn, al serpe kóterýde olarǵa jetip alyp, jeńiske jetý. Jaqsy kúres boldy. Bapkerlerge meni osy startqa daıyndaǵandary úshin úlken alǵysymdy bildiremin. Bizdi zalda qoldaǵan jáne ınternet arqyly kórgen jankúıerlerge erekshe rahmetimdi aıtqym keledi.

75 kılogrammǵa deıingi salmaq dárejesinde Qazaqstandyq Qurama qorjyny taǵy da bir altyn medalmen tolyqtyryldy. Onyń avtory 15 jasar – Olga Pastýhova. Qossaıys esebi boıynsha, ol — 211 kılogramm (91+120) nátıjesin kórsetip, О́zbekstandyq – 197 (89+108) jáne Meksıkalyq – 196 (90+106) sportshylardy artqa tastady.

— Men úshin bul alǵashqy «álem», ózimniń kórsetken ónerimmen qanaǵattanamyn, barlyq alty shyǵýdy oryndadym, birinshi oryndy aldym. Eń jaǵymdy áserim aldym, biraq, shyǵar aldynda men qorqynyshty bolady dep oıladym, al shyn máninde olaı emes, bári keremet ótti! «Álemde» múlde basqasha áserde bolasyn, ol úıdegi pomostta alatyn áserden erekshe. Men shtangany tolyq sezindim, kýraj, qobaljý, qarsylastardyń aıqaıy! Julqa kóterýde men eki kılogrammǵa utyp aldym, al serpe kóterýde qarsylastar 108 kılogrammda bitirgen bolsa, men 110-nan bastadym, odan keıin 115 jáne 120. Bizdiń bapkerlerimizge olardyń eńbegi jáne qoldaýlary úshin úlken alǵysymdy bildirgim keledi, olarsyz eshteńe bolmaıtyn edi. Josparlar? Olımpıadaǵa ótý jáne úzdik úshtik qataryna iligý. Ol úshin men bar kúshimdi salamyn!