SportPress.kz قازاقستان سپورت جاڭالىقتارى
«استانا» كومانداسىنىڭ قورعاۋشىسى ەۆگەني پوستنيكوۆ ەۋروپا ليگاسىنىڭ توپتىق كەزەڭىندەگى «سلاۆيا» كومانداسىنا قارسى ويىن الدىندا پىكىر ءبىلدىردى.
– ەرتەڭ جاقسى ويىن كورسەتەمىز دەپ ويلايمىز. «سلاۆيانىڭ» دەڭگەيىن دە جاقسى بىلەمىز، قانشا دەگەنمەن ەۋروپادا ونەر كورسەتىپ جۇرگەن كوماندا. ءبىز قولىمىزدان كەلگەننىڭ ءبارىن جاسايمىز.
– وسىعان دەيىن ەۋروكۋبوكتىق ماتچتاردا كەزدەسكەن كوماندالاردىڭ ىشىندە «سلاۆيا» قايسىسىنا ۇقسايدى دەپ ويلايسىز؟
– شىنىمدى ايتسام، ناقتى ءبىر كومانداعا تەڭەي المايمىن. يسپانيادا ءبىز قىسقا ءارى پاستارعا سەنىم ارتساق، بۇل جولى ءبىزدى باسقا ويىن كۇتىپ تۇر. شابۋىل شەبىندە جىلدام وينايتىن فۋتبولشىلارى دا از ەمەس. سوندىقتان ءار كوماندانىڭ وزىندىك ءستيلى، ءوز تاكتيكاسى بار.
– قورعاۋشى رەتىندە قارسىلاستارىڭىزدىڭ بىرىنە جاۋاپتى ەتىپ قويدى ما؟ كىمنەن قاۋىپ كۇتۋگە بولادى؟ ميگەل دانني مەن توماش نەتسيدكە قارسى ويناۋ قانشالىقتى قيىن بولۋى مۇمكىن؟
– «سلاۆيادا» مىقتى ويىنشىلاردان جينالعان. كەيبىرىن رەسەيدە جۇرگەنىمدە كوردىم. توماش نەتسيد تسسكا-دا جۇرگەندە، دانني «زەنيتتىڭ» نامىسىن قورعاپ جۇرگەن بولاتىن. ال مەن ول كەزدە «دينامونىڭ» جاستارىندا ءجۇردىم. باپكەرىم ناقتى بىرەۋگە جاۋاپتى ەتىپ قويمادى. ءبىز كوماندالىق ويىنعا كوبىرەك سەنىم ارتامىز. توماش نەتسيد جىلدام، كوبىرەك ويلانۋعا مۇمكىندىك بەرمەيدى. سونىمەن قاتار، «سلاۆيانىڭ» وزگە دە ويىندارىن كوردىم. ءبىز جۇمىلعان جۇدىرىقتاي ونەر كورسەتۋ ءۇشىن بارىمىزدى سالاتىن بولامىز.
– توماش نەتسيدتەن بولەك تاعى كىمنەن قاۋىپ كۇتەسىز؟
– «سلاۆيادا» تالانتتى جىگىتتەر جەتەرلىك. سوندىقتان بۇكىل كوماندادان قاۋىپ كۇتۋگە بولادى. ولار شابۋىلعا دا، قورعانىسقا دا بىردەي ارالاسادى. ءبارى ۇيىمشىل.
– «تارازعا» ادەمى گول سوعىپ، جانكۇيەرلەرىڭىزدى قۋانتقان ەدىڭىز. ەرتەڭ دە سىزدەن وسىنداي گولداردىڭ ءبىرىن كۇتەمىز.
– سوققىم-اق كەلەدى. ارينە، قولىمنان كەلسە، مۇمكىندىگىم بولسا، قايتالاۋدان تايىنبايمىن (كۇلدى). كوپتەن بەرى سوقپاپ ەدىم، چەمپيوناتتاعى العاشقى گولىم. مەن ءۇشىن ءاربىر سوققان دوبىم ماڭىزدى.
– جاساندى الاڭ تۋرالى «سلاۆيا» ويىنشىلارى دا ويلانىپ جۇرگەن بولار. بۇل «استاناعا» باسىمدىق بەرەدى دەپ ويلايسىز با؟
– بۇل ۇلكەن باسىمدىق دەپ ايتا الماس ەدىم. ارينە، ءبىز كۇندە جاتتىعىپ جۇرگەنننەن كەيىن بىزگە وڭايىراق بولادى. ال «سلاۆياعا» ازداپ قيىنداۋ بولۋى مۇمكىن. الايدا، بۇل فۋتبولدىڭ ءبىر بولىگى. دەگەنمەن، ايتارلىقتاي كەدەرگى كەلتىرەدى دەپ ويلامايمىن.
– «استانا» چەمپيوناتتا سوڭعى 11 ويىندا ءبىر گول عانا جىبەردى. ال ەۋروكۋبوكتىڭ ءار كەزدەسۋىندە گولسىز اياقتالعان ەمەس.
– ءبىز ءار ويىندا گول جىبەرمەۋگە تىرىسامىز. بىراق بۇل ويىمىز ىلعي دا جۇزەگە اسا بەرمەيدى. قورعاۋشى بولعاندىقتان گول جىبەرگەن بىزگە دە ىڭعايسىز. ىشكى بىرىنشىلىكتە بۇل مۇمكىن بولعانمەن، ەۋروپا فۋتبولىنىڭ دەڭگەيى جوعارى، بولماشى قاتەلىگىمىز گولعا اينالادى. ەرتەڭ قاقپامىزعا گول جىبەرمەۋگە تىرىسامىز.
– چەحيادا قازىر 22 گرادۋس جىلى، ال «استانادا» كۇن سالقىن. مۇنداي اۋا رايىندا فۋتبول ويناۋ قيىن ەمەس پە؟
– كەشە ستاديوننىڭ شاتىرىن جاپتى. سوندىقتان جىلى بولادى. بىراق ماعان كۇن ىستىقتا ويناعاننان وسىنداي سالقىنداۋ اۋا رايى ىڭعايلى.
