اقيىق اقىننىڭ اتىنداعى مەكتەپتىڭ تالانتتارى

قازاقتىڭ اقيىق اقىنى، پوەزيانىڭ  الاتاۋداي الىبى  مۇقاعالي ماقاتاەۆتىڭ تۋعان كۇنىنە وراي ەسكە الۋعا ارنالعان شارالار  ەلىمىزدىڭ ءار وڭىرىندە بولىپ ءوتتى.

قازاق دالاسى ايگىلى اقىننىڭ ولەڭدەرىن  وسى ءبىر كۇنى مايدالاپ  سوققان جەلمەن، توبەدەن سالعان قۇستىڭ ۇنىمەن جىرلاپ تۇرعانداي بولادى. مۇقاعالي ماقاتاەۆتىڭ جىرلارىندا تۋعان جەر، زامان تىنىسى، سايىن دالا، تابيعات، سۇلۋلىق، اسەمدىك، تازالىق، ەلدىك، ەرلىك  ولەڭمەن ءورىلىپ تاماشا جاراسىم تاپقان. ۇلى اقىننىڭ جۇرەگىنەن جارىپ شىققان ولەڭدەرىن مانەرلەپ وقىعاندا جانىڭدى تەبىرەنتپەي قويمايدى. ويتكەنى، مۇزبالاق اقىن كەزىندە قازاق راديوسىندا ديكتور بولىپ تا قىزمەت ەتكەن ەكەن. سوندىقتاندا  بولار ۇلى اقىننىڭ ولەڭدەرىن مانەرلەپ  وقۋ سايىستارىن وتكىزۋدىڭ ءمانى تەرەڭدە جاتقانى.

اقيىق اقىننىڭ ءوز ولەڭدەرىندە قازاقتىڭ قارا سوزىنە جان ءبىتىرىپ، ولەڭمەن جىرلاعاندا جانىڭدى تەبىرەنتپەي قويمايدى. ادامدى وزىنە باۋراپ الاتىن قۇپيا-سىر ولەڭدەرىندە تۇنىپ تۇر. مۇقاعالي ولەڭدەرىنىڭ ءار شۋماقتارىندا ءومىردىڭ بار شىندىعى ەسىپ تۇرعانداي. سول سەبەپتى ءبىز ۇلى اقىننىڭ شىعارماشىلىعىنا عاشىقپىز. مۇقاڭنىڭ ولەڭدەرى جىلدار وتسە دە ءبىزدىڭ ومىرىمىزبەن بىتە قايناسىپ، بىرگە جاساسىپ كەلە جاتقان تۋىندىلار. سوندىقتان ومىرشەڭ، وزەكتى.

اقيىق اقىننىڭ تۋعان كۇىنىنە وراي ەلىمىزدىڭ ءار ايماعىندا جىر سايىستارى ۇيىمداسىرتىرىلىپ، اقىندى ەسكە الۋ شارالارى جالعاسىن ۇزبەي كەلەدى. ولەڭمەن ءومىردى كەستەلەگەن اقتاڭگەر اقىننىڭ اتىندا مەكتەپتەر عانا ەمەس، جوعارى وقۋ ورىندارىندا دا ەسكە الۋ شارالارى ءوتتى.

جۋىردا الماتى وبلىسى ىلە اۋدانى وتەگەن باتىر كەنتىندەگى № 13 مەكتەپتە «مەن ءومىردى جىرلاۋ ءۇشىن كەلگەنمىن» اتتى مۇقاعالي ماقاتاەۆتىڭ ولەڭدەرىنە جازىلعان اندەر جانە اقىننىڭ ولەڭدەرىن مانەرلەپ وقۋدان ءىى حالىقارلىق ونەر بايقاۋى بولىپ وتكىزىلدى. جاس تا بولسا باس بولعان مۇقاعالي ماقاتاەۆتىڭ  اتىنداعى № 13  مەكتەپ ديرەكتورى اياۋلىم جاقاشبايقىزى كەرىمقۇلوۆا مۇزبالاق اقىننىڭ شىعارماشىلىعىنا ارنالعان جىر سايىسىن  ۇيىمداستىرۋدا بارىنشا قولداۋ كورسەتىپ، ۇيىتقى بولعان ەكەن. ايتۋلى ءبىلىم ورداسىندا كورنەكتى اقىننىڭ اتىنداعى جىر سايىسىندا ساحنا تورىنە شىققان وقۋشىلار ءۇشىن وڭاي بولماسى انىق ەدى.  ويتكەنى، بۇل وقۋ ورنىندا ەكىنىڭ ءبىرى مۇقاعاليدىڭ شىعارماشىلىعىمەن جاقسى تانىس. اقىننىڭ  ولەڭدەرىن بۇل مەكتەپتە جاتقا ايتا بىلەتىن تالانتتى  وقۋشىلار كوپتەپ تابىلادى. دۇرمەكتى بايقاۋدا اقىننىڭ شىعارماشىلىعى بويلارىن باۋراعان  جاسوسپىرىمدەر جەڭىس ءۇشىن بارىن سالدى. اسىرەسە، ۇلاعاتتى ۇستاز جانار الىمعازىقىزى ابيتقانوۆا ءدارىس بەرەتىن 4 «ۆ» سىنىبىنىڭ وقۋشىلارى، سىنىپ جەتەكشىلەرىنىڭ اسقان ىنتامەن شەبەر دايىندىعىنىڭ ارقاسىندا   «كوركەم ءسوز» تاقىرىبى بويىنشا مانەرلەپ وقۋدان ايىرىقشا تالانتتارىن پاش ەتىپ، قازىلار القاسىنىڭ قوشامەتىنە بولەندى. نەگىزى ايتۋلى مەكتەپتە دارىندى سپورتشىلار دا جەتەرلىك. مەكتەپ قابىرعاسىندا كوركەم گيمناستيكادان ۇيىرمە اشىلعان. بۇل ۇيىرمەدە  6 –10 جاس ارالىعىندا كوپتەگەن تالانتتى ءجاسوسپىرىم قىزدار  سپورت شەبەرى ماليكا بولاتقانقىزى دا شەبەرلىكتەرىن شىڭداپ جاتتىعادى. كوركەم گيمناستيكادان افينا وليمپيداسىندا 4 ورىن، بەيجىڭ وليمپيداسىندا 5 ورىنعا يە بولعان، ازيانىڭ ابسوليۋتتىك چەمپيونى اتانعان قازاقتىڭ  ايگىلى قىزى ءاليا ءجۇسىپوۆا سەكىلدى وليمپيادا اسۋىنا كوتەرىلۋ ءجاسوسپىرىم ءاربىر قاراكوز قىزىمىزدىڭ ارمانى. ارماندارىنا جەتسىن دەگەن تىلەۋدەمىز. ويتكەنى، وسى وليمپيادالىق سپورت تۇرىندە ەلىمىزدە ءالى ءالياداي داڭقتى سپورتشى شىقپاي كەلەدى. سونىڭ وكشەسىن باسۋ مەكتەپ قابىرعاسىنان باستالادى دەپ ويلايمىز. ال، قازاق قىزدارىنىڭ اراسىندا وسى ءبىر سپورت تۇرىنە قىزىعۋشىلىقتى ارتتىرۋ، جاستارعا جول اشۋ بۇگىنگى كۇندە وتە ماڭىزدى.  «سپورت پەن ونەر ەگىز» دەپ الساق، ونەرمەن قوسا سپورتتى دا بىرگە الا جۇرگەن جاس ۇرپاقتىڭ بولاشاعى جارقىن، بايتاعى كەڭ. حوش، سونىمەن مۇقاعالي ماقاتاەۆتىڭ جىرلارىنا ارنالعان جىر دودالارى ونكۇنمەن شەكتەلىپ قالماسا انىق. اقيىق اقىننىڭ ءاربىر ولەڭى كۇندەلىكتى ومىرىمىزدە الادىمىزدان جارىق ەتىپ شىعىپ وتىراتىن ولمەس شىعارمالار. مەكتەپتەردە مۇقاعالي ءپانىن ەنگىزىپ جاتسا، قازاق پوەزياسى ۇتپاسا ۇتىلمايدى. ويتكەنى، جاستارىمىزدىڭ بويىنا وتانىن ءسۇيۋدى، ەلىن، جەرىن قۇرمەتتەۋدى مۇقاعالي جىرلارىن وقي وتىرىپ قۋاتتانامىز،  الامىز.

اقىن ورداباي ۇلى،

ىلە اۋدانى،

الماتى وبلىسى