«شين-لاين» كومپانياسى ءوندىرىس پەن ساتۋ كولەمىن ارتتىرىپ جاتىر

جازعى ماۋسىمنىڭ اياقتالۋ قورىتىندىسى بويىنشا وتاندىق الدىڭعى قاتارلى بالمۇزداق ءوندىرۋشى «شين-لاين» كومپانياسى وندىرۋشىلەر ءۇشىن ءتاتتى تاعامدى ءوندىرۋدىڭ ەڭ «قىزۋ» مەزگىلى ەنەتىن كەزەڭ قىزمەتىنىڭ قورىتىندىسىن جاريالادى. شيكىزات پەن قاپتاما قۇنىنىڭ وسۋىنە، گەوساياسي سەبەپتەر سالدارىنان لوگيستيكالىق بايلانىستاردىڭ ۇزىلۋىنە جانە بالمۇزداق نارىعىنىڭ جالپى تومەندەۋىنە بايلانىستى وبەكتيۆتى فاكتورلاردىڭ اسەرىنە قاراماستان، «شين-لاين» تابيعي جانە اقشالاي تۇردە ءوندىرىستىڭ وسۋىنە قول جەتكىزدى.  

ستاتيستيكا جونىندەگى ۇلتتىق بيۋرونىڭ مالىمەتتەرى بويىنشا 2022 جىلدىڭ 6 ايىنىڭ قورىتىندىسىنا سايكەس قر-ندا بالمۇزداق ءوندىرىسى تابيعي كورسەتكىشپەن 2021 جىلدىڭ اتالعان كەزەڭىمەن سالىستىرعاندا 17%-عا تومەندەگەن، سونداي-اق يمپورتتىڭ 3%-عا تومەندەۋى جانە ەكسپورت ۇلەسىنىڭ 33%-عا ءوسۋى بايقالدى. مۇنىڭ وزىندە «شين-لاين» تابيعي كورسەتكىشتە ءوندىرىستى 7%-عا جانە قارجىلىق كورسەتكىشپەن 42%-عا ارتتىرعان. Euromonitor تاۋەلسىز كومپانياسىنىڭ باعالاۋى بويىنشا «شين-لاين» ۇلەسى 40،5%-عا دەيىن ءوستى. كومپانيا باسشىلىعىنىڭ بولجامدارىنا سايكەس، 2022 جىلدىڭ سوڭىندا «شين-لاين» كومپانياسىنىڭ تابيعي كورسەتكىشتەگى ءوندىرىس كولەمى 18100 توننانى قۇراماق. كومپانيانىڭ ديرەكتورلار كەڭەسىنىڭ توراعاسى دميتري دوكين اتاپ وتكەندەي، ەكى تاڭبالى ساندىق ءوسىمدى بارلىق ايماقتار كورسەتكەن، دەگەنمەن قارجىلىق كورسەتكىشپەن قارقىندى ءوسىم اقتاۋدا (50%)، شىمكەنتتە (53%)، كوكشەتاۋدا، الماتى مەن اتىراۋ جەلىلەرىندە (54%) جانە نۇر-سۇلتاندا (67%) بايقالعان.

«شين-لاين» ەكسپورتتىق نارىقتاردا ءوسۋدى جالعاستىردى. 2022 جىلدىڭ 8 ايىنىڭ قورىتىندىسى بويىنشا كومپانيا ءونىمىنىڭ تابيعي كورسەتكىشپەن ەكسپورتى 3 810 توننا بالمۇزداقتى نەمەسە جالپى ساۋدا-ساتتىقتان 24،7%-دى قۇرادى.

ەكسپورتتىق نارىقتار اراسىنداعى ءوسىم كوشباسشىلارى – وزبەكستان، مۇندا «شين-لايننىڭ» ساۋدا-ساتتىعى ءبىر جىلدا 54%-عا ارتتى جانە رەسەي – وندا نارىقتىڭ جالپى 5،2%-عا تومەندەۋى اياسىندا قازاقستاندىق كومپانيانىڭ ساۋدا-ساتتىعىنىڭ ءوسىمى 71%-عا ارتتى.

تۇتىنۋشىلاردىڭ تالعامىنا پىكىرىن بىلدىرە كەلە، دميتري دوكين قازاقستاندىقتار بۇرىنعىسىنشا نارىقتىڭ كوشباسشىسى «بومبا» بالمۇزداعىن ۇناتاتىنىن اتاپ ءوتتى – 8 اي ىشىندە اتالعان برەند 8%-عا وسكەن، پلومبيردەگى «ميشكا نا پوليۋسە» برەندى 97%-عا ارتسا، «دجۋسيكي» برەندى 83%-عا وسكەن، «كاك رانشە» رەترو-برەندى 89%-عا كوتەرىلسە، وتباسىلىق فورماتتار 77 %-عا ارتقان.

ءوسۋ كوشباسشىلارى – قىرعىزستاندا «ميشكا نا پوليۋسە» — 71%، «دجۋسيكي» — 37% جانە «بومبا» — 29%، ال وزبەكستاندا «بومبا» — 79%، «زولوتايا كوللەكتسيا» — 57% جانە «ميشكا نا پوليۋسە» — 50%. رەسەي نارىعىندا «زولوتايا كوللەكتسيا» سەرياسىنىڭ 130%-عا ءوسىمى بايقالدى، Bahroma پرەميۋم برەندى — 411%، «ميشكا نا پوليۋسە» برەندى — 151%.

بيىل «شين-لاين» كومپانياسى ورتالىق ازياداعى اسا ءىرى بالمۇزداق ءوندىرۋشىسى بولىپ قانا قويماي، ەاەو-تاعى 10 اسا ءىرى بالمۇزداق وندىرۋشىلەرىنىڭ قاتارىنا ەندى. قازاقستاندىق ءوندىرۋشى Streda Consulting كومپانياسى قۇراستىرعان رەيتينگتە رەسەي ۇلتتىق ءسۇت وندىرۋشىلەر وداعىمەن («سويۋزمولوكو») جانە Milknews اقپاراتتىق اگەنتتىگىمەن بىرلەسە 8-ءشى ورىندى يەلەندى جانە رەيتينگتىڭ العاشقى وندىعىنا ەنگەن رەسەيلىك ەمەس جالعىز كومپانيا بولدى.

«ەاەو-تىڭ اسا ءىرى وندىرۋشىلەرىنىڭ العاشقى وندىعىنا ەنۋ ءبىز ءۇشىن كۇتپەگەن جاعداي بولعان جوق – ءبىز وسى ناتيجەگە جوسپارلى تۇردە ءجۇرىپ كەلدىك، ءوندىرىستى ۇلعايتتىق، يننوۆاتسيالىق تەحنولوگيالاردى ەنگىزدىك، ءونىم تۇرجيناعىن كەڭەيتتىك، تۇتىنۋشىلاردىڭ تالعامىن زەرتتەدىك جانە ۇنەمى ساپانى جاقسارتۋ جۇمىستارىن جۇرگىزدىك. كومپانيانىڭ جوسپارى ودان ءارى ءوندىرىس كولەمىن ۇلعايتۋ – الداعى جىلداردا ءبىز جىل سايىن 20-25%-عا ءوسۋدى جانە جاڭا زاماناۋي ونىمدەردى شىعارۋدى جوسپارلاپ وتىرمىز، سوندىقتان كەلەسى رەيتينگە «شين-لاين» ودان دا بيىك مەجەدە بولاتىنىنا سەنىمدىمىز. ءبىزدىڭ ماقساتىمىز – 2026 جىلى 5 كوشباسشى قاتارىنا ەنۋ»، – دەپ دميتري دوكين وز پىكىرىن ءبىلدىردى.

ءورشىل ماقساتقا قول جەتكىزۋ وندىرىستىك قۋاتتى ۇلعايتۋعا، جاڭا ءونىم شىعارۋعا، برەندتەردى العا ىلگەرىلەتۋگە جانە ساۋدا-ساتتىقتىڭ بارلىق ارنالارىن مەڭگەرۋگە بايلانىستى. «شين-لاين» تمد اۋماعىنداعى اسا ءىرى جاڭا ءبىرىنشى كەزەكتەگى بالمۇزداق جانە ازىق-ت ۇلىك ونىمدەرىن وندىرەتىن فابريكانىڭ قۇرىلىسىن اياقتادى.  قازىرگى تاڭدا كاسىپورىندا ونىدىستىك قۇرال-جابدىقتى ورناتۋ جانە باپقا كەلتىرۋ جۇمىستارى جۇرگىزىلۋدە، كەيبىر جەلىلەر ونەركاسىپتىك جۇمىس پارامەترىنە شىعىپ ۇلگەردى. بارلىق جەلىلەردى تۇپكىلىكتى ىسكە قوسۋ 2023 جىلعا جوسپارلانۋدا.

سالتانات قاجىكەن،

الماتى