«Shın-Laın» kompanııasy óndiris pen satý kólemin arttyryp jatyr

Jazǵy maýsymnyń aıaqtalý qorytyndysy boıynsha otandyq aldyńǵy qatarly balmuzdaq óndirýshi «Shın-Laın» kompanııasy óndirýshiler úshin tátti taǵamdy óndirýdiń eń «qyzý» mezgili enetin kezeń qyzmetiniń qorytyndysyn jarııalady. Shıkizat pen qaptama qunynyń ósýine, geosaıası sebepter saldarynan logıstıkalyq baılanystardyń úzilýine jáne balmuzdaq naryǵynyń jalpy tómendeýine baılanysty obektıvti faktorlardyń áserine qaramastan, «Shın-Laın» tabıǵı jáne aqshalaı túrde óndiristiń ósýine qol jetkizdi.  

Statıstıka jónindegi ulttyq bıýronyń málimetteri boıynsha 2022 jyldyń 6 aıynyń qorytyndysyna sáıkes QR-nda balmuzdaq óndirisi tabıǵı kórsetkishpen 2021 jyldyń atalǵan kezeńimen salystyrǵanda 17%-ǵa tómendegen, sondaı-aq ımporttyń 3%-ǵa tómendeýi jáne eksport úlesiniń 33%-ǵa ósýi baıqaldy. Munyń ózinde «Shın-Laın» tabıǵı kórsetkishte óndiristi 7%-ǵa jáne qarjylyq kórsetkishpen 42%-ǵa arttyrǵan. Euromonitor táýelsiz kompanııasynyń baǵalaýy boıynsha «Shın-Laın» úlesi 40,5%-ǵa deıin ósti. Kompanııa basshylyǵynyń boljamdaryna sáıkes, 2022 jyldyń sońynda «Shın-Laın» kompanııasynyń tabıǵı kórsetkishtegi óndiris kólemi 18100 tonnany quramaq. Kompanııanyń dırektorlar keńesiniń tóraǵasy Dmıtrıı Dokın atap ótkendeı, eki tańbaly sandyq ósimdi barlyq aımaqtar kórsetken, degenmen qarjylyq kórsetkishpen qarqyndy ósim Aqtaýda (50%), Shymkentte (53%), Kókshetaýda, Almaty men Atyraý jelilerinde (54%) jáne Nur-Sultanda (67%) baıqalǵan.

«Shın-Laın» eksporttyq naryqtarda ósýdi jalǵastyrdy. 2022 jyldyń 8 aıynyń qorytyndysy boıynsha kompanııa óniminiń tabıǵı kórsetkishpen eksporty 3 810 tonna balmuzdaqty nemese jalpy saýda-sattyqtan 24,7%-dy qurady.

Eksporttyq naryqtar arasyndaǵy ósim kóshbasshylary – О́zbekstan, munda «Shın-Laınnyń» saýda-sattyǵy bir jylda 54%-ǵa artty jáne Reseı – onda naryqtyń jalpy 5,2%-ǵa tómendeýi aıasynda qazaqstandyq kompanııanyń saýda-sattyǵynyń ósimi 71%-ǵa artty.

Tutynýshylardyń talǵamyna pikirin bildire kele, Dmıtrıı Dokın qazaqstandyqtar burynǵysynsha naryqtyń kóshbasshysy «Bomba» balmuzdaǵyn unatatynyn atap ótti – 8 aı ishinde atalǵan brend 8%-ǵa ósken, plombırdegi «Mıshka na polıýse» brendi 97%-ǵa artsa, «Djýsıkı» brendi 83%-ǵa ósken, «Kak ranshe» retro-brendi 89%-ǵa kóterilse, otbasylyq formattar 77 %-ǵa artqan.

О́sý kóshbasshylary – Qyrǵyzstanda «Mıshka na polıýse» — 71%, «Djýsıkı» — 37% jáne «Bomba» — 29%, al О́zbekstanda «Bomba» — 79%, «Zolotaıa kollekııa» — 57% jáne «Mıshka na polıýse» — 50%. Reseı naryǵynda «Zolotaıa kollekııa» serııasynyń 130%-ǵa ósimi baıqaldy, Bahroma premıým brendi — 411%, «Mıshka na polıýse» brendi — 151%.

Bıyl «Shın-Laın» kompanııasy Ortalyq Azııadaǵy asa iri balmuzdaq óndirýshisi bolyp qana qoımaı, EAEO-taǵy 10 asa iri balmuzdaq óndirýshileriniń qataryna endi. Qazaqstandyq óndirýshi Streda Consulting kompanııasy qurastyrǵan reıtıngte Reseı ulttyq sút óndirýshiler odaǵymen («Soıýzmoloko») jáne Milknews aqparattyq agenttigimen birlese 8-shi oryndy ıelendi jáne reıtıngtiń alǵashqy ondyǵyna engen reseılik emes jalǵyz kompanııa boldy.

«EAEO-tyń asa iri óndirýshileriniń alǵashqy ondyǵyna ený biz úshin kútpegen jaǵdaı bolǵan joq – biz osy nátıjege josparly túrde júrip keldik, óndiristi ulǵaıttyq, ınnovaııalyq tehnologııalardy engizdik, ónim túrjınaǵyn keńeıttik, tutynýshylardyń talǵamyn zerttedik jáne únemi sapany jaqsartý jumystaryn júrgizdik. Kompanııanyń jospary odan ári óndiris kólemin ulǵaıtý – aldaǵy jyldarda biz jyl saıyn 20-25%-ǵa ósýdi jáne jańa zamanaýı ónimderdi shyǵarýdy josparlap otyrmyz, sondyqtan kelesi reıtınge «Shın-Laın» odan da bıik mejede bolatynyna senimdimiz. Bizdiń maqsatymyz – 2026 jyly 5 kóshbasshy qataryna ený», – dep Dmıtrıı Dokın óz pikirin bildirdi.

О́rshil maqsatqa qol jetkizý óndiristik qýatty ulǵaıtýǵa, jańa ónim shyǵarýǵa, brendterdi alǵa ilgeriletýge jáne saýda-sattyqtyń barlyq arnalaryn meńgerýge baılanysty. «Shın-Laın» TMD aýmaǵyndaǵy asa iri jańa birinshi kezektegi balmuzdaq jáne azyq-túlik ónimderin óndiretin fabrıkanyń qurylysyn aıaqtady.  Qazirgi tańda kásiporynda ónidistik qural-jabdyqty ornatý jáne bapqa keltirý jumystary júrgizilýde, keıbir jeliler ónerkásiptik jumys parametrine shyǵyp úlgerdi. Barlyq jelilerdi túpkilikti iske qosý 2023 jylǵa josparlanýda.

Saltanat QAJYKEN,

ALMATY