Álemdik gran-prı:  Qazaqstan altyn medal jeńip aldy

Ravıl Mansurbaev Birikken Arab Ámirlikteriniń Dýbaı qalasynda jeńil atletıkadan múgedek sportshylar arasynda ótken álemdik Gran-prı serııasynyń F-46 klasynda ıadro laqtyrýdan jeńimpaz atandy.

Qazaqstan sportshysy ıadrony 14,43 metrge laqtyryp, birinshi orynnan kórindi. Al qytaılyq Ýeı Enlong ıadrony 14,28 metrge túsirip, ekinshi oryndy ıelense, 13,39 metrge ıadro laqtyrǵan kýveıttik sportshy Alsalah Abdýllah úshinshi oryndy qanaǵat tutty.

Jarysta qazaqstandyq sportshylar osymen úsh-medaldi ıelendi.

Buǵan deıin naıza laqtyrýdan Rýfat Habıbýllın altyn medaldi jeńip alsa, ıadro laqtyrýdan Dastan Muqashbekov Gran-prıdiń kúmis júldegeri atanǵan edi.

Para jeńil atletıkadan álemdik Gran-prı serııasy Dýbaı qalasynda 26 aqpan men 1 naýryz aralyǵynda ótti. Oǵan álemniń 61 memleketinen 545 sportshy qatysty.

Dastan KENJALIN,

ASTANA