قازاقستان ستۋدەنتتەرىنىڭ جازعى ۋنيۆەرسياداسى اقتاۋدا وتەدى

اقتاۋ قالاسىندا تۇڭعىش رەت ەسەنوۆ ۋنيۆەرسيتەتىنىڭ ۇيىمداستىرۋىمەن 24 مامىر – 24 ماۋسىم كۇندەرى جوعارى وقۋ ورىندارى ستۋدەنتتەرىنىڭ جازعى ۋنيۆەرسيداسى وتەدى. بۇل تۋرالى Yessenov University پرەزيدەنتى بەرىك احمەتوۆ ايتتى.

ونىڭ ايتۋىنشا، بۇرىنعى ۋنيۆەرسيادالار سپورت تۇرلەرى بويىنشا ءۇش-ءتورت قالانى قامتيتىن بولسا، بۇل جولى 17 سپورت تۇرىنەن 20 جارىستىڭ بارلىعى اقتاۋدا وتەدى.

عىلىم جانە جوعارى ءبىلىم مينيسترلىگىنىڭ حابارلاۋىنشا، الدىڭعى ۋنيۆەرسيادا باعدارلاماسىندا 30-دان اسا سپورت ءتۇرى بولسا، قازىر ولار 17-گە دەيىن ىقشامدالىپ، ەڭ نەگىزگى سپورت تۇرلەرى عانا تاڭدالعان. ياعني، ۋنيۆەرسيتەتتەردەگى سپورتشىلاردىڭ كوپ اينالىساتىن سپورت تۇرلەرىنىڭ بەيىنىنە قاراي، ۇلتتىق عىلىمي-پراكتيكالىق دەنە تاربيەسى ورتالىعىمەن بىرلەسە وتىرىپ، دۇنيەجۇزىلىك ۋنيۆەرسيادانىڭ باعدارلاماسىنا باسىمدىق بەرىلگەن.

جوعارى وقۋ ورىندارى ستۋدەنتتەرى اراسىندا وتەتىن ءXIى جازعى ۋنيۆەرسياداسىنىڭ اشىلۋ سالتاناتى – 5 ماۋسىم، جابىلۋ سالتاناتى – 24 ماۋسىم كۇندەرىنە جوسپارلانعان.

ايبەك مۇحانوۆ،

ماڭعىستاۋ وبلىسى