SportPress.kz Қазақстан спорт жаңалықтары
Ақтау қаласында тұңғыш рет Есенов университетінің ұйымдастыруымен 24 мамыр – 24 маусым күндері жоғары оқу орындары студенттерінің жазғы Универсидасы өтеді. Бұл туралы Yessenov University президенті Берік Ахметов айтты.
Оның айтуынша, бұрынғы Универсиадалар спорт түрлері бойынша үш-төрт қаланы қамтитын болса, бұл жолы 17 спорт түрінен 20 жарыстың барлығы Ақтауда өтеді.
Ғылым және жоғары білім министрлігінің хабарлауынша, алдыңғы Универсиада бағдарламасында 30-дан аса спорт түрі болса, қазір олар 17-ге дейін ықшамдалып, ең негізгі спорт түрлері ғана таңдалған. Яғни, университеттердегі спортшылардың көп айналысатын спорт түрлерінің бейініне қарай, Ұлттық ғылыми-практикалық дене тәрбиесі орталығымен бірлесе отырып, Дүниежүзілік Универсиаданың бағдарламасына басымдық берілген.
Жоғары оқу орындары студенттері арасында өтетін XIІ жазғы Универсиадасының ашылу салтанаты – 5 маусым, жабылу салтанаты – 24 маусым күндеріне жоспарланған.
Айбек МҰХАНОВ,
Маңғыстау облысы
