Qazaqstan stýdentteriniń jazǵy Ýnıversıadasy Aqtaýda ótedi

Aqtaý qalasynda tuńǵysh ret Esenov ýnıversıtetiniń uıymdastyrýymen 24 mamyr – 24 maýsym kúnderi joǵary oqý oryndary stýdentteriniń jazǵy Ýnıversıdasy ótedi. Bul týraly Yessenov University prezıdenti Berik Ahmetov aıtty.

Onyń aıtýynsha, burynǵy Ýnıversıadalar sport túrleri boıynsha úsh-tórt qalany qamtıtyn bolsa, bul joly 17 sport túrinen 20 jarystyń barlyǵy Aqtaýda ótedi.

Ǵylym jáne joǵary bilim mınıstrliginiń habarlaýynsha, aldyńǵy Ýnıversıada baǵdarlamasynda 30-dan asa sport túri bolsa, qazir olar 17-ge deıin yqshamdalyp, eń negizgi sport túrleri ǵana tańdalǵan. Iaǵnı, ýnıversıtetterdegi sportshylardyń kóp aınalysatyn sport túrleriniń beıinine qaraı, Ulttyq ǵylymı-praktıkalyq dene tárbıesi ortalyǵymen birlese otyryp, Dúnıejúzilik Ýnıversıadanyń baǵdarlamasyna basymdyq berilgen.

Joǵary oqý oryndary stýdentteri arasynda ótetin XII jazǵy Ýnıversıadasynyń ashylý saltanaty – 5 maýsym, jabylý saltanaty – 24 maýsym kúnderine josparlanǵan.

Aıbek MUHANOV,

Mańǵystaý oblysy