SportPress.kz Qazaqstan sport jańalyqtary
«Astana» fýtbol komandasynyń bas bapkeri Stanımır Stoılov Oraldyń «Aqjaıyǵyna» qarsy oıyn jaıly ári tórtinshi márte qatarynan el chempıony atanǵany týraly pikir bildirdi.
– Ishki birinshilikte kezekti ret jeńiske jetkenimizge qýanyshtymyn. Jyl boıy tynbaı eńbek ettik, mine osynyń arqasynda jemisin kórip otyrmyz. Kez kelgen komandaǵa tórt dúrkin el chempıony ataný baqyty buıyra bermeıdi. Bul jeńiske klýbymyzdaǵy barsha qyzmetkerdiń eńbegi sińdi. Al búgingi oıynda qarsylasymyzdan basym bolǵanymyz anyq. Tek gol soǵý ýaqytymyzdy azdap uzartyp aldyq.
– «Astananyń» Eýropa lıgasynyń toptyq kezeńinen shyǵý múmkindigi jaıly ne oılaısyz? Ishki birinshilik aıaqtaldy, endi komanda jıi oınap óz deńgeıin burynǵydaı ustap turýy qıyndaý bolady.
– Eń birinshi demalamyz. Sodan keıin «Vılıarrealǵa» daıyndalatyn bolamyz. Árıne, oıyn praktıkasy bolmaǵandyqtan qıyndaý bolary belgili. О́zimizdi bar qyrymyzdan kórsetip, qalǵan eki oıynda jeńiske jetýge tyrysatyn bolamyz.
– Komandanyń kóńil-kúıi qandaı?
– Bári kóńildi. Kezekti ret chempıon atanǵanymyzǵa qýanyshtymyz.
– Ishki birinshiliktegi jeńiske arnaıy syılyqaqy qarastyryldy ma?
– Bul suraqty qozǵaǵanyńyz durys boldy. Jyl boıy biz eshqandaı da syılyqaqy almadyq. Klýbtyń osyǵan baılanysty tipti, ótken jylǵy da qaryzy bar. Komanda búkil mindetti oryndaı tura syılyqaqy almaýy durys emes. Bálkim demeýshilerimiz bul jaǵynan habarsyz shyǵar. О́z kezeginde komanda oıynshylary da syılyqaqy týraly sóz qozǵamaǵany meni ishteı qýantty. Bul máseleni uzaqqa sozbaı sheshý kerek dep oılaımyn. Sondyqtan syılyqaqy týraly ázirge eshnárse aıta almaımyn. Sońǵy úsh jyl ishinde «Astana» Qazaqstanǵa úlken qarjy ákeldi. Al bul másele áli sheshimin tapqan joq.
– Ivan Maevskııdiń jaraqaty qanshalyqty qaýipti?
– Ázirge eshnárse aıta almaımyn. Eger jaǵdaıy ońalmasa emin Germanııada jalǵastyratyn bolady. «Vılıarrealǵa» qarsy oıynǵa daıyn bolady dep úmittenemin. Sondaı-aq, búgin jaraqatynan tolyq aıyqpaǵan Abzal Beısebekov pen Iýrıı Logvınenkony alańǵy shyǵaryp úlken táýekelge bel býdym.
– «Astanamen» kelisimshartyńyzdy uzartý oıyńyzda bar ma?
– Osyǵan deıin aıtqanymdaı, klýb basshylyǵy áli jańa kelisimshart usynǵan joq. Eýropada bilikti bapkerler jeterlik. Men bolmasam da «Astana» ózin bıikke jeteleıtin maman taba alady dep oılaımyn. Al maǵan qazirgi ýaqytta birneshe klýbtan usynys kelgenin jasyrmaımyn. Aıta keteıik, «Astana» búgin Premer-lıganyń sońǵy týrynda Oraldyń «Aqjaıyǵyn» óz alańynda 2:0 esebimen utyp, tórtinshi jyl qatarynan el chempıony ataǵyna qol jetkizdi.
Turar ERMURAT
