زاينۋتدينوۆ «بەشيكتاشپەن» كەلىسسوز جۇرگىزىپ جاتىر

قازاقستان ۇلتتىق قۇراما كومانداسى مەن ماسكەۋدىڭ تسسكا كلۋبىنىڭ جارتىلاي قورعاۋشىسى باحتيەر زاينۋدتينوۆ تۇركيانىڭ «بەشيكتاش» كلۋبىمەن كەلىسسوز جۇرگىزىپ جاتىر. 

بىزدەگى بار مالىمەتكە قاراعاندا، كەيبىر بۇقارالىق اقپارات قۇرالدارىندا حابارلانعانداي، باحتيەر زاينۋتدينوۆ ىستانبۇلدىڭ «بەشيكتاش» كلۋبىمەن كەلىسىمگە ءالى كەلمەگەن. فۋتبولشىنىڭ ءوزى دە بۇل تۋرالى ەشتەڭە ايتپادى.

Transfermarkt-ءتىڭ دەرەگىنە قاراعاندا، ىستانبۇلدىڭ كلۋبى زاينۋتدينوۆتى 6 ملن ەۋروعا باعالاپ وتىر. ال تسسكا تۇركيالىق جاساققا قازاقستان ۇلتتىق قۇراماسىنىڭ ويىنشىسى ءۇشىن 6 ملن دوللاردان باستاپ، 8 ملن دوللارعا دەيىنگى باعانى ۇسىنعان. بۇل سوماعا تاراپتار ازىرشە كەلىسىم بەرگەن جوق. ال ەگەر زاينۋتدينوۆ «بەشيكتاشقا» اۋىساتىن بولسا، وندا ول ىستانبۇل كلۋبىندا ەڭ كوپ ايلىق الاتىن ويىنشىلاردىڭ ءبىرى بولادى.

بۇعان دەيىن تۇركيالىق كوماندا ءتورت فۋتبوشىنى عانا 6 ملن ەۋرودان اسا سوماعا ساتىپ العان. ولار – ايحانا اكمان (6،5 ملن ەۋرو)، ادەم ليايچ (6،5 ملن ەۋرو)، ريكاردۋ كۋارەجما (7،5 ملن ەۋرو) مەن رودريگو تاباتا (8 ملن ەۋرو).

داستان كەنجالين،

استانا