Zaınýtdınov «Beshıktashpen» kelissóz júrgizip jatyr

Qazaqstan ulttyq qurama komandasy men Máskeýdiń SKA klýbynyń jartylaı qorǵaýshysy Bahtıer Zaınýdtınov Túrkııanyń «Beshıktash» klýbymen kelissóz júrgizip jatyr. 

Bizdegi bar málimetke qaraǵanda, keıbir buqaralyq aqparat quraldarynda habarlanǵandaı, Bahtıer Zaınýtdınov Ystanbuldyń «Beshıktash» klýbymen kelisimge áli kelmegen. Fýtbolshynyń ózi de bul týraly eshteńe aıtpady.

Transfermarkt-tiń deregine qaraǵanda, Ystanbuldyń klýby Zaınýtdınovty 6 mln eýroǵa baǵalap otyr. Al SKA túrkııalyq jasaqqa Qazaqstan ulttyq quramasynyń oıynshysy úshin 6 mln dollardan bastap, 8 mln dollarǵa deıingi baǵany usynǵan. Bul somaǵa taraptar ázirshe kelisim bergen joq. Al eger Zaınýtdınov «Beshıktashqa» aýysatyn bolsa, onda ol Ystanbul klýbynda eń kóp aılyq alatyn oıynshylardyń biri bolady.

Buǵan deıin túrkııalyq komanda tórt fýtboshyny ǵana 6 mln eýrodan asa somaǵa satyp alǵan. Olar – Aıhana Akman (6,5 mln eýro), Adem Lıaıch (6,5 mln eýro), Rıkardý Kýarejma (7,5 mln eýro) men Rodrıgo Tabata (8 mln eýro).

Dastan KENJALIN,

ASTANA