Жеңіл атлетикадан Қазақстан құрамасының өкілі Анастасия Рыпакова Оңтүстік Кореяның Йечхон қаласында өтіп жатқан Korea Open Athletics Meeting турнирінде күміс жүлдені жеңіп алды, деп хабарлады Ұлттық Олимпиадалық комитет. Ол ұзындыққа секіру сайысында екінші орынға ие болды. Анастасия Рыпакова 5.92 метрге секірді. Бірінші орынды оңтүстіккореялық Ю Чон Ми (6.04 м) иеленсе, қола жүлде Таиланд спортшысы Паринья Чуаймаруэнгке (5.54 м) бұйырды.  

Нидерландтың Эйндховен қаласында бокстан Eindhoven Cup халықаралық турнирі болып жатыр. Осыдан бірнеше күн бұрын басталған додаға Қазақстан құрама командасы да қатысуда. Қолда бар мәліметке қарағанда, кеше ұлттық құраманың сегіз боксшы жартылай финалға шықты. Олардың арасынан бесеуі финалға жолдама алса, үшеуі қола жүлдені қанағат тұтты. Жекпе-жектердің нәтижесі:   50 кг. Даниял Сәбит (Қазақстан)  Редуан Ассаины (Бельгия) нокаутпен жеңді. 65 кг. Ертуган ...