قازاقستاننىڭ جۇپتىق سىنداعى ءبىرىنشى، الەمنىڭ 10-راكەتكاسى اننا دانيلينا اقش-تىڭ كليۆلەند قالاسىندا وتكەن WTA 250: ءتۋرنيرىنىڭ جەڭىمپازى اتاندى. ول سەربيالىق الەكساندرا كرۋنيچ ەكەۋى جارىستىڭ ءبىرىنشى راكەتكالارى بولىپ ەسەپتەلىپ، فينالدا تايبەيلىك چان حاوچين مەن قىتايلىق سينيۋ ءياندى جەڭدى. ءبىرىنشى پارتيادا تاي-برەيكتە دانيلينا مەن كرۋنيچ قارسىلاستارىن 7:6 (7:3) جەڭسە، ەكىنشى سەتتە 6:4 ەسەبىمەن ايلاسىن اسىردى.   داستان كەنجالين، استانا  

ارسەن جۇما گرەك-ريم كۇرەسىنەن بولگاريانىڭ ساموكوۆتا قالاسىندا ءوتىپ جاتقان U20 الەم چەمپيوناتىندا قولا جۇلدەگەر اتاندى. ول 55 كەلىگە دەيىنگى سالماق دارەجەسىندە قۇرمەت تۇعىرىنىڭ ءۇشىنشى ساتىسىنان كورىندى. بالۋان ءۇشىنشى ورىن ءۇشىن كۇرەستە قىرعىزستان سپورتشىسى ومۋر ىنتىماك ۋلۋن تىزە بۇكتىردى. بۇعان دەيىن دياس سەيىتقاليەۆ (82 كەلىگە دەيىن) كۇمىس جۇلدەنى يەلەنگەن بولاتىن.   داستان كەنجالين، استانا  

بۇگىن ورال قالاسىندا فۋتزالدان الماتىنىڭ «قايرات» كلۋبى مەن سەمەيدىڭ «سەمەي» كومانداسى قازاقستان سۋپەركۋبوگىن ساراپقا سالدى. بۇل ماتچتىڭ ەرەكشەلىگى، فۋتزال تاريحىندا العاش رەت سۋپەركۋبوك ويىنى باتىس قازاقستان وبلىسىندا بولدى. كوماندالار جاڭا ءارى زاماناۋي سپورت كەشەنىندە كۇش سىناستى. بىلتىر «قايرات» «سەمەيدى» 3:1 ەسەبىمەن جەڭىپ، سۋپەركۋبوكتىڭ يەگەرى اتانعان ەدى. «قايرات» بۇعان دەيىن 11 رەت سۋپەركۋبوكتى جەڭىپ العان. الماتىنىڭ كلۋبىنان كەيىن «اقتوبەرەنتگەن» كومانداسى ەكى ...