Дзюдодан ӘЧ: Қазақстан тағы екі жүлде жеңіп алды

Дзюдошы Мұхаммедәлі Жылқайдар Болгарияның астанасы София қаласында өтіп жатқан кадеттер арасындағы әлем чемпионатының финалында күміс медаль алды.

Ол 66 келіге дейінгі салмақ дәрежесінде Ресей спортшысы Рахим Хамхоевтен жеңіліп қалды.

Сол салмақ дәрежесінде Ролан Қайрғали Канаданың балуаны Анечка Матиды жеңіп, құрмет тұғырының үшінші сатысына көтерілді.

Осылайша, ұлттық құрама төрт жүлде алып отыр. Бұған дейін Ернұр Батырғали (60 келіге дейін) алтын медальді, ал Арман Мыса (50 келіге дейін) қола жүлдені иеленген болатын.

Дастан КЕНЖАЛИН,

АСТАНА