ۆولەيبولدان قازاقستان ەرلەر قۇراماسى  قىتايدىڭ تسزيانمەن قالاسىندا ءوتىپ جاتقان جاستار اراسىنداعى الەم چەمپيوناتىندا پلەي-وففقا جولداما الدى. قۇراما كوماندا B توبىندا بەسىنشى ورىندا تۇرعان ەدى. ال 1/8 فينالعا تەك ۇزدىك ءتورت كوماندا شىعادى. سوندىقتان  قازاقستان قۇراماسىنا وڭتۇستىك كورەيا كومانداسىن جەڭۋدى الدىنا ماقسات ەتىپ قويىپ، قارسىلاسىن 3:1 ەسەبىمەن جەڭدى. ەندى جاستار كومانداسى الەم چەمپيوناتىنىڭ پلەي-وفف كەزەڭىندە وينايدى.   داستان كەنجالين، استانا  

بيىل باحرەيندە جاسوسپىرىمدەر اراسىنداعى ازيا ويىندارى جالاۋىن كوتەرەدى. وسى دۇرمەكتى دودانىڭ الدىندا بوكس جەكپە-جەكتەرىنىڭ سالماق دارەجەلەرى رەسمي تۇردە بەكىتىلدى. قازاقستان بوكس فەدەراتسياسىنىڭ مالىمەتىنە قاراعاندا، جەكپە-جەكتەر Exhibition World Bahrain كورمە ورتالىعىندا بولادى. وعان 2009–2010 جىلى تۋعان ۇلدار مەن قىزدار قاتىسىپ، 14 سالماق دارەجەسىندە جۇلدەلەردى ساراپقا سالادى. ۇلدار: 46 كەلى، 50 كەلى، 54 كەلى، 60 كەلى، 66 كەلىگە 75 كەلىگە دەيىن جانە ...