Zýhra Iranzarova nysanany kózdeýden Azıada chempıony atandy

Qytaıdyń Hanchjoý qalasynda Zýhra Iranzarova nysanany kózdeýden Azıada chempıony atandy.

18 jastaǵy Zýhara Irnazarova 10 metr qashyqtyqtan jyljymaly nysanaǵa oq atý saıysynda 560 upaı jınap, Soltústik Koreıadan kelgen eki mergennen ozdy. Bul baǵdarlamada kúmis pen qola Soltústik Koreıa ókili – Djıe Rı men Oksım Pektiń enshisinde ketti.

Ulttyq quramanyń taǵy bir sportshysy Fatıma Iranzarova altynshy, Aleksandra Sádýaqasova jetinshi oryn aldy. Osylaısha, Qazaqstan quramasy 3 mergennniń nátıjesin qosa eseptegende komandalyq synda kúmis júldeni ıelendi.

Bul Azıadadaǵy elimizdiń ulttyq quramasy úshin ekinshi altyn medal. Eske sala ketsek, keshe Ásem Orynbaı, Zoıa Kravchenko jáne Olga Panarınadan jasaqtalǵan stend atýdan Qazaqstannyń áıelder komandasy «skıt» jattyǵýynda altyn medal jeńip alyp, Azııa oıyndarynyń rekordyn 350 ballǵa jetkizdi.

Qazir Qazaqstan quramasy eki altyn, úsh kúmis jáne 11 qola júldeni ıelenip otyr.

Týrızm jáne sport mınıstrligi

FOTO: Týrızm jáne sport mınıstrligi

 

View this post on Instagram

 

A post shared by @turizm_sport_ministrligi