SportPress.kz Qazaqstan sport jańalyqtary
Hanchjoýda ótip jatqan Azııa oıyndarynda elimiz qurama komandasynyń qorjynyna taǵy eki medal tústi. Bul joly sportshylar úshinshi oryn alyp, qola medalge qanaǵat tutty.
Erler arasyndaǵy jaǵajaı voleıbolynan juptyq básekede Dmıtrıı Iakovlev pen Sergeı Bogatý Iran sportshylary Alıreza Agajanıgasab pen Abbas Poýrasgarıdi 2:0 (25:23, 30:28) esebimen jeńip, medal ákeldi.
Odan keıin taekvondoshylar Smaıyl Dúısebaı men Jansel Denız de úshinshi orynnan kórindi.
Smaıyl Dúısebaı 80 keliden astam salmaqta jartylaı fınalda Qytaı sportshysy Chjaosıan Sonnan 0:2 esebimen, al Jansel Denız (73 kg) Lı Dabınnen (Ońtústik Koreıa) 1:2 esebimen jeńilip qaldy. Osylaısha, ulttyq quramanyń eki sportshysy óz salmaǵynda úzdik úshtikti túıindedi.
Smaıyl Azıadada Býtan atleti Nıma Vangdı 2:0 jeńip, pákistandyq Omar Hamzadan da basym túsip, jartylaı fınalǵa joldama alǵan bolatyn. Jansel Hanchjoýdaǵy oıyndardy shırek fınaldan bastap, Lıvan ókili Ýorda Selmanany 2:0 esebimen jeńgen. Jansel 2018 jyly Djakartada ótken jazǵy Azııa oıyndarynyń fınalynda osy Lı Dabınnen utylyp, kúmis júldeger atanǵan edi.
Taǵy bir ret eske salyp ótsek, Hanchjoýdaǵy Azıadaǵa Qazaqstannan sporttyń 30 túrinen 524 sportshy (262 er jáne 262 áıel) qatysyp jatyr. Onyń 27-si olımpııalyq baǵdarlamaǵa kirse, qalǵan 3-i olımpııalyq emes sport túrleri. Sonymen qatar, Azıadad 8 sport túrinen, atap aıtqanda, boks, sadaq atý, qazirgi bessaıys, júzý, breıkıng, kógaldaǵy hokkeı, tennıs jáne jeńil atletıka boıynsha Parıj Olımpıadasyna lıenzııalar sarapqa salynady.
Jalpy alǵanda, Azııanyń 45 elinen 15 myńnan astam sportshy 40 sport túrinen 481 medal jıyntyǵyna talasyp jatyr.
Shamken BAIYRBEK,
HANChJOÝ
FOTO: Olympics.com
