• Қазақ
  •   
  • Qazaq
  •   
  • قازاق
  •   
  • Рус
  •   

    اتىراۋ جۇرتى ارمانعا اق جول تىلەدى

    ارالاس جەكپە-جەكتەن ءتۇرلى حالىقارالىق تۋرنيرلەردە ەلىمىزدىڭ نامىسىن قورعاپ، جەڭىس بيىگىنەن كورىنىپ جۇرگەن ارمان ءاشىموۆ 24 مامىر كۇنى چەمپيوندىق بەلدەۋ ءۇشىن ايقاسقا تۇسەدى. قارسىلاسى – ۋكراينالىق  الەكساندر دوسكالچۋك.

    بۇل ايقاستا ارمان ءاشىموۆ پەن الەكساندر دوسكالچۋك م-1 تۇجىرىمىنىڭ چەمپيوندىق بەلبەۋىنە تالاسادى. ۋكراين دوسكالچۋك جاراقاتىنا بايلانىستى سپورتتان جىراقتاپ ەم-دوم الۋمەن ءجۇردى. دەگەنمەن دە بابىنا كەلگەن ونى وسال دەۋگە كەلمەيدى. ول جەكپە-جەكتەن 8 ايقاس وتكىزىپ، تەك بىرەۋىندە عانا جەڭىلىس تاپقان.

    «مۇستافا وزتۇرىك» لاقاپ اتىمەن تانىمال ارمان ءاشىموۆ رەسەي جەرىندە وتكىزگەن ايقاستارىندا قارسىلاستارىن كەسكەن تەرەكتەي سۇلاتىپ ايقىن باسىمدىقپەن جەڭىپ ءجۇر. جەڭىستىڭ ءجىبى ۇزىلمەي، ەلىمىزگە ابىرويمەن ورالعاي دەيمىز.

    جاقىندا اتىراۋ وبلىستىق  جەكپە-جەك فەدەراتسياسىنىڭ پرەزيدەنتى الىبەك ايمۇراتوۆ ارمان ءاشىموۆتى ارنايى شاقىرتىپ، قۇرمەتتى قوناق ەتتى. بەلگىلى كاسىپكەر، ەل سپورتىنىڭ جاناشىرى ەرلان تابىلديەۆ،   اتىراۋ وبلىستىق تاەكۆوندو فەدەراتسياسىنىڭ پرەزيدەنتى ارمان تۋگاەۆ باستاعان ازاماتتار سايىپقىران ساڭلاق سپورتشى ارمان اشىموۆكە وقالى شاپان جاۋىپ، قۇرمەت كورسەتىپ، الداعى سانكت-پەتەربۋرگ تورىندە وتەتىن ايقاسقا ساتتىلىك تىلەدى.

     ت. كوشەك،

    اتىراۋ

    پىكىر جازۋ

    Your email address will not be published. Required fields are marked *

    *