قازاق پالۋاندارى ءتۋرنيردىڭ جەڭىمپازى اتاندى

«حالىق ارەنا» مۇز ايدىنىندا وتكەن قازاق كسر ەڭبەك سىڭىرگەن سپورت شەبەرى، وليمپيادا چەمپيونى جاقسىلىق ۇشكەمپىروۆتىڭ جۇلدەسىنە ارنالعان گرەك-ريم كۇرەسىنەن اشىق حالىقارالىق تۋرنيردە قازاق پالۋاندارى جالپىكوماندالىق ەسەپتە ءبىرىنشى ورىندى ەنشىلەندى.

جارىسقا قازاقستاننىڭ تۇكپىر-تۇكپىرىنەن كەلگەن سپورتشىلار، سونىمەن قاتار، ارمەنيا، گرۋزيا، ازەربايجان، قىرعىزستان جانە رەسەي مەملەكەتتەرىنەن 280-نەن استام پالۋان قاتىستى. ولار (UWW) ەرەجەلەرىنە سايكەس كۇرەستى.

ءتۋرنيردىڭ ءبىرىنشى كۇنى پالۋاندار — 50 كگ، 60 كگ، 74 كگ ي 96 كگ سالماق دارەجەلەرىندە ءوزارا مىقتىنى انىقتاسا، ال ەكىنشى كۇنى مىنا سالماق دارەجەلەرىندەگى سپورتشىلار كۇرەستى: 55 كگ، 66 كگ، 84 كگ، 120 كگ. جارىستىڭ ناتيجەلەرى بويىنشا قازاقستان سپورتشىلارى 20 مەدالمەن وزگەلەردەن باسىم ءتۇستى. جالپى، ەلىمىزدىڭ پالۋاندارى 5 التىن، 6 كۇمىس جانە 9 قولانى ولجالادى.

— مەن وسىمەن تۋرنيرگە ءۇشىنشى رەت قاتىسىپ جاتىرمىن. مەن ەكىنشى ورىندى يەلەندىم، ءبىرىنشى ورىنعا كىشكەنە عانا جەتپەي قالدى. قارسىلاسىم مىقتى بولدى. الايدا، مەن ەڭسەمدى تۇسىرمەي، كوپ جاتتىعىپ، كەلەسى تۋرنيردە التىن مەدالدى جەڭەتىنىمە سەنىمدىمىن. الداعى ۋاقىتتا الەم جانە ازيا چەمپيوناتى جوسپاردا بار. جەڭىمپاز اتانعىم كەلەدى، — دەپ اتاپ ءوتتى جارىستىڭ كۇمىس جۇلدەگەرى انتون ساۆەنكو.

جەڭىمپازدار مەن جۇلدەگەرلەر ءبىرىنشى ورىنعا ايفون 6، ايفون 5 سياقتى ۇيالى تەلەفونداردى، ەكىنشى، ءۇشىنشى ورنىعا سامسۋنگ گەلەكسي، سونىمەن قاتار، ديپلومدار مەن مەدالدەرمەن ماراپاتتالدى.

سپورتتىق شارا الماتى قالاسىنىڭ دەنە شىنىقتىرۋ جانە سپورت باسقارماسىنىڭ، قر مادەنيەت جانە سپورت مينيسترلىگىنىڭ، قازاقستاننىڭ كۇرەس فەدەراتسياسىنىڭ، «الماتى قالاسىنىڭ حالىقارالىق سپورتتىق جوبالار ديرەكتسياسى» مەملەكەتتىك قورىنىڭ قولداۋىمەن ۇيىمدارستىرىلدى.

ايتا كەتسەك، جاقسىلىق ۇشكەمپىروۆتىڭ جۇلدەسىنە ارنالعان تۋرنير گرەك-ريم كۇرەسىن جاستار اراسىندا دارىپتەۋ، كورشىلەس ەلدەردىڭ سپورتشىلارى اراسىندا دوستىق قارىم-قاتىناستى نىعايتۋ، «قر سپورت شەبەرى» ءنورماتيۆىن ورىنداۋ، قر مەملەكەتتىك قۇراما كومانداسىنا ۇزدىكتەردى ىرىكتەۋ ماقساتىندا وسى جىلى 33-ءشى رەت وتكىزىلىپ جاتىر.

نازارلارىڭىزعا بۇگىنگى جارىستىڭ جەڭىمپازدارى مەن جۇلدەگەرلەر ءتىزىمىن ۇسىنامىز:

50 كگ
I. الپامىس داستانبەك (قازاقستان)
II. رۋسلان ەسەنتاي (قازاقستان)
III. حاليس رادجاپوۆ (قازاقستان)
III. جاسۋر ورتىكباەۆ (وزبەكستان)

60 كگ
I. ەرنار فيداحمەتوۆ (قازاقستان)
II. عالىم كابدۋناسىروۆ (قازاقستان)
III. ارسلان ابدۋراحمان (قازاقستان)
III. گراچي پوگاسيان (ارمەنيا)

74 كگ
I. بەكا مامۋكاشۆيلي (گرۋزيا)
II. مالحاس امويان (ارمەنيا)
III. ەۆگەني پوليۆادوۆ (قازاقستان)
III. راحمەت ساپيەۆ (قازاقستان)

96 كگ
I. ەلمار ۋكالي (قازاقستان)
II. تورەحان جاكۋپوۆ (قازاقستان)
III. سابا بۋحريكيدزە (گرۋزيا)
III. تيمۋر ماماجانوۆ (وزبەكستان)

ەكىنشى كۇن، 7 مامىر:

55 كگ
I. ەرنۋر فيداحمەتوۆ (قازاقستان)
II. رينات بالتاشەۆ (قازاقستان)
III. دياس كۋرەسباي (قازاقستان)
III. شايمەردەن اباۋوۆ (قازاقستان)

66 كگ
I. مەرەي بەكەنوۆ (قازاقستان)
II. گەورگي كۋرتانيدزە (گرۋزيا)
III. گەورگي گۋدجابيدزە (گرۋزيا)
III. ەكپين سەريكبول (قازاقستان)

84 كگ
I. تەمۋري تسكۋاسەليدزە (گرۋزيا)
II. سانجار تەميربەك (قازاقستان)
III. ەلدوس ماگزۋموۆ (قازاقستان)
III. باگدات ۋسەنوۆ (قازاقستان)

120 كگ
I. زۆيادي پاتاريدزە (گرۋزيا)
II. انتون ساۆەنكو (قازاقستان)
III. اببوس يبراگيموۆ (وزبەكستان)
III.ازمەدين ۆاحابوۆ (تاجىكستان)

الماتى قالاسى دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى