Qazaq palýandary týrnırdiń jeńimpazy atandy

«Halyq Arena» muz aıdynynda ótken Qazaq KSR eńbek sińirgen sport sheberi, Olımpıada chempıony Jaqsylyq Úshkempirovtyń júldesine arnalǵan grek-rım kúresinen ashyq halyqaralyq týrnırde qazaq palýandary jalpykomandalyq esepte birinshi oryndy enshilendi.

Jarysqa Qazaqstannyń túkpir-túkpirinen kelgen sportshylar, sonymen qatar, Armenııa, Grýzııa, Ázerbaıjan, Qyrǵyzstan jáne Reseı memleketterinen 280-nen astam palýan qatysty. Olar (UWW) erejelerine sáıkes kúresti.

Týrnırdiń birinshi kúni palýandar — 50 kg, 60 kg, 74 kg ı 96 kg salmaq dárejelerinde ózara myqtyny anyqtasa, al ekinshi kúni myna salmaq dárejelerindegi sportshylar kúresti: 55 kg, 66 kg, 84 kg, 120 kg. Jarystyń nátıjeleri boıynsha Qazaqstan sportshylary 20 medalmen ózgelerden basym tústi. Jalpy, elimizdiń palýandary 5 altyn, 6 kúmis jáne 9 qolany oljalady.

— Men osymen týrnırge úshinshi ret qatysyp jatyrmyn. Men ekinshi oryndy ıelendim, birinshi orynǵa kishkene ǵana jetpeı qaldy. Qarsylasym myqty boldy. Alaıda, men eńsemdi túsirmeı, kóp jattyǵyp, kelesi týrnırde altyn medaldi jeńetinime senimdimin. Aldaǵy ýaqytta álem jáne Azııa chempıonaty josparda bar. Jeńimpaz atanǵym keledi, — dep atap ótti jarystyń kúmis júldegeri Anton Savenko.

Jeńimpazdar men júldegerler birinshi orynǵa aıfon 6, aıfon 5 sııaqty uıaly telefondardy, ekinshi, úshinshi ornyǵa samsýng geleksı, sonymen qatar, dıplomdar men medaldermen marapattaldy.

Sporttyq shara Almaty qalasynyń Dene shynyqtyrý jáne sport basqarmasynyń, QR mádenıet jáne sport mınıstrliginiń, Qazaqstannyń kúres Federaııasynyń, «Almaty qalasynyń halyqaralyq sporttyq jobalar Dırekııasy» memlekettik qorynyń qoldaýymen uıymdarstyryldy.

Aıta ketsek, Jaqsylyq Úshkempirovtyń júldesine arnalǵan týrnır grek-rım kúresin jastar arasynda dáripteý, kórshiles elderdiń sportshylary arasynda dostyq qarym-qatynasty nyǵaıtý, «QR sport sheberi» normatıvin oryndaý, QR memlekettik qurama komandasyna úzdikterdi irikteý maqsatynda osy jyly 33-shi ret ótkizilip jatyr.

Nazarlaryńyzǵa búgingi jarystyń jeńimpazdary men júldegerler tizimin usynamyz:

50 kg
I. Alpamys Dastanbek (Qazaqstan)
II. Rýslan Esentaı (Qazaqstan)
III. Halıs Radjapov (Qazaqstan)
III. Jasýr Ortykbaev (О́zbekstan)

60 kg
I. Ernar Fıdahmetov (Qazaqstan)
II. Ǵalym Kabdýnasyrov (Qazaqstan)
III. Arslan Abdýrahman (Qazaqstan)
III. Grachı Pogasıan (Armenııa)

74 kg
I. Beka Mamýkashvılı (Grýzııa)
II. Malhas Amoıan (Armenııa)
III. Evgenıı Polıvadov (Qazaqstan)
III. Rahmet Sapıev (Qazaqstan)

96 kg
I. Elmar Ýkalı (Qazaqstan)
II. Torehan Jakýpov (Qazaqstan)
III. Saba Býhrıkıdze (Grýzııa)
III. Tımýr Mamajanov (О́zbekstan)

Ekinshi kún, 7 mamyr:

55 kg
I. Ernýr Fıdahmetov (Qazaqstan)
II. Rınat Baltashev (Qazaqstan)
III. Dıas Kýresbaı (Qazaqstan)
III. Shaımerden Abaýov (Qazaqstan)

66 kg
I. Mereı Bekenov (Qazaqstan)
II. Georgıı Kýrtanıdze (Grýzııa)
III. Georgıı Gýdjabıdze (Grýzııa)
III. Ekpın Serıkbol (Qazaqstan)

84 kg
I. Temýrı kýaselıdze (Grýzııa)
II. Sanjar Temırbek (Qazaqstan)
III. Eldos Magzýmov (Qazaqstan)
III. Bagdat Ýsenov (Qazaqstan)

120 kg
I. Zvıadı Patarıdze (Grýzııa)
II. Anton Savenko (Qazaqstan)
III. Abbos Ibragımov (О́zbekstan)
III.Azmedın Vahabov (Tájikstan)

Almaty qalasy Dene shynyqtyrý jáne sport basqarmasynyń baspasóz qyzmeti