ەرتەڭ قازاقستان چەمپيوناتى باستالادى

19-26 مامىر ارالىعىنا بەلگىلەنگەن ۇلتتىق سپورتتان ەرەسەكتەر اراسىنداعى قازاقستان چەمپيوناتى ەرتەڭ تاراز قالاسىندا تۋ كوتەرەدى. بيىلعى ەلىشىلىك چەمپيونات وتكەن جىلعىداي تارتىستى بولا ما؟

ۇلتتىق سپورتتىڭ رەسپۋبليكالىق باستى باسەكەسىن كوزبە-كوز تاماشالاۋ وسى جىلى  جامبىل وبلىسىنىڭ جانكۇيەرلەرىنە بۇيىردى. مادەنيەت جانە سپورت مينيسترلىگى، سپورت جانە دەنە شىنىقتىرۋ ىستەرى كوميتەتىنىڭ 2019 جىلعا ارنالعان بۇقارالىق-سپورتتىق، ساۋىقتىرۋ ءىس-شارالارى مەن رەسپۋبليكالىق جارىستاردىڭ كۇنتىزبەلىك جوسپارىنا سايكەس ۇيىمداستىرىلعان چەمپيوناتتا سپورتشىلارىمىز ءتورت سپورتتىڭ  تۇرىنەن باق سىنايدى. اتاپ ايتقاندا، ەرەسەكتەر اراسىندا كوكپاردان – ءحىح، اۋدارىسپاقتان – ءحىح، تەڭگە ىلۋدەن – ءحىىى، جامبى اتۋدان – V  رەت وتەتىن بۇل باسەكەگە 16 ءوڭىردىڭ كوماندالارى قاتىسۋدا.

بىلتىرعى  جىلى ەلورداداعى «قازانات» يپپودرومىندا وتكەن ەلىشىلىك چەمپيوناتتىڭ دوداسىن ۇلتتىق سپورتتىڭ بىلىكتى ماماندارى جوعارى باعالادى. جانكۇيەردىڭ جادىندا جاڭعىرتۋ ءۇشىن، سول چەمپيوناتتىڭ ۇزدىكتەرى تۋرالى قىسقاشا ايتىپ وتسەك دەيمىز.

الدىمەن، تەڭگە ءىلۋ جارىسىن ايتالىق.  تارتىستى باسەكە ءالى كوز الدىمىزدا. ەلىمىزدىڭ بارلىق ءوڭىرىنىڭ ۇزدىكتەرى العاشقى اينالىمنىڭ وزىندە ءبىرىنىڭ جولىن ءبىرى كەستى. ءتىپتى، 2015 جىلى تەڭگە ىلۋدەن وتكەن ءى اشىق ازيا چەمپيوناتىن جەڭىپ العان، 2017 جىلعى «اق بيداي» ءVى رەسپۋبليكالىق اۋىل سپورتى ويىندارىنىڭ چەمپيونى، 2018 جىلعى ءىىى ازيا چەمپيوناتىنىڭ جۇلدەگەرى عالىمجان ءىزجانوۆتان دا شەبەرلىگىن اسىرعان جىگىتتەر سول چەمپيوناتتا تالايدى تاڭداندىرعان-دى. باستاپقى كەزەڭدەردە 14،22 سەكۋند جىلدامدىقپەن 5 تەڭگەنى قاتار ىلگەن عالىمجان فينالدا 3 تەڭگەدەن وزگەسىن ىلە الماي، سان سوعىپ قالدى. ءسويتىپ، 2018 جىلعى تەڭگە ءىلۋ باسكەسىندە اقتوبەلىك تيمۋر يمانعاليەۆ قازاقستان چەمپيونى اتانىپ ەدى. ەكىنشى ورىندى   قاراعاندىلىق تولەگەن سەرعازيەۆ، ءۇشىنشى ورىندى باتىس قازاقستان وبلىسىنىڭ سپورتشىسى ماعجان جەڭىسوۆ يەلەنگەن بولاتىن.

سۋرەتتە:  تەڭگە ىلۋدەن وتكەن ءى  ازيا چەمپيوناتىن جەڭىپ العان،  2018 جىلعى ءىىى ازيا چەمپيوناتىنىڭ كۇمىس جۇلدەگەرى، 2019 جىلعى جاستار اراسىنداعى ءى ازيا چەمپيوناتىنىڭ چەمپيونى تۇركىستاندىق سپورتشى عالىمجان ءىزجانوۆ.

تەڭگە ىلۋدەن باس جۇلدەنى ج ۇلىپ تۇسكەن اقتوبە وبلىسىنىڭ كومانداسى اۋدارىسپاق جەكپە-جەگىندە دە قوس التىن مەدالدى قانجىعاسىنا بايلاعان-دى. 70 كگ سالماقتاعى شىڭعىسحان ەرجانوۆ، 60 كيلو سالماقتاعى  ازامات سەرعازيندەر قارسىلاستارىن ايقىن باسىمدىلىقپەن ۇتتى. ايتا كەتەلىك، بۇل ەكى جىگىت تە اۋدارىسپاقتان 2018 جىلى وتكەن ءىىى ازيا چەمپيوندارى.

نەگىزىندە، وتكەن جىلى اۋدارىسپاق سپورتىندا جاڭا تولقىننىڭ ەكپىنى انىق بايقالدى. مىسالى، الپىسقا جۋىق اۋدارىسپاق بالۋاندارى اراسىنان 90 كگ سالماقتا رەسپۋبليكالىق جارىسقا العاش قاتىسقانىنا قاراماي قارسىلاستارىن قيداي سىرىپىرىپ ۇتقان اقتوبەلىك جاس بالۋان التاي سۇيەۋباەۆ، اسا اۋىر سالماقتا اقمولالىق ۆيكتور تيموفەەۆتىڭ ءابجىل ونەرى جانكۇيەر ىقىلاسىن اۋدارماي قويمادى. بىراق، جارتىلاي فينالداعى ايقاستا قاپى كەتكەن التاي سۇيەۋباەۆ قولا جۇلدەنى قاناعات تۇتتى. ال، تاقىمى تاستاي كورىنگەن ۆيكتور تيموفەەۆتى قولا جۇلدە ءۇشىن ايقاستا الماتىلىق ءمۇراتالى تەزەكباەۆ اتىنان اۋدارىپ تاستادى.

سۋرەتتە: اۋدارىسپاق سپورتىنىڭ داڭقتى بالۋاندارى (وڭنان سولعا قاراي) ءىىى ازيا چەمپيونى شىڭعىسحان ەرجانوۆ (اقتوبە وبلىسى)،  ازيانىڭ بىرنەشە دۇركىن چەمپيونى ءبىرجان قوساليەۆ (تۇركىستان وبلىسى)، ازيانىڭ بىرنەشە دۇركىن چەمپيونى سىرىم ءىزباساروۆ (تۇركىستان وبلىسى)، ءىىى ازيا چەمپيوناتىنىڭ ابسوليۋتتى سالماقتاعى چەمپيونى  ارمان ساعىنباەۆ (اقتوبە وبلىسى)، 80 كگ سالماقتا قازاقستاننىڭ بىرنەشە دۇركىن چەمپيونى، حالىقارالىق تۋرنير جەڭىمپازى  ەسىمحان ءراحماتىللا (تۇركىستان وبلىسى) جانە  ىىى ازيا چەمپيونى ازامات سەرعازين (اقتوبە وبلىسى).

وتكەن جىلعى ەلىشىلىك باسەكەدە پاۆلودار، قىزىلوردا، ماڭعىستاۋ، قوستاناي وبلىسىنىڭ اۋدارىسپاقشىلارىنا جۇلدەسى بۇيىرمادى. باس جۇلدەنىڭ ۇشەۋىن تۇركىستان وبلىسى ولجالادى. اتاپ ايتساق، ءبىرجان قوساليەۆ، سىرىم ءىزباساروۆ جانە ەسىمحان ءراحماتىللا. ەكى باس جۇلدە ەسىمدەرى جوعارىدا اتالعان اقتوبەلىك بالۋاندارعا بۇيىردى.  كۇمىس، قولا جۇلدەلەرگە الماتى قالاسىنىڭ، قاراعاندى، اقتوبە، باتىس قازاقستان، شىعىس قازاقستان، جامبىل وبلىسى بالۋاندارىنىڭ عانا قولى جەتتى.

2018 جىلعى   سۇرمەرگەندەر سايىسىندا 15 سپورتشى باق سىنادى. جانكۇيەرلەر بولجامى بويىنشا جامبى اتۋدا «التىن جەبە» حالىقارالىق ءتۋرنيرىنىڭ جۇلدەگەرلەرى ەرالحان ايكوز، ايتبەك سارىباي، بىرنەشە شەت ەل جارىستارىنا قاتىسىپ، تاجىريبە جيناقتاعان ەلدوس باداشەۆ، ابزال تۋلىبەكوۆ قاتارلى ەسىمى تانىمال مەرگەندەردىڭ ءبىرى ۇزدىك شىعۋعا ءتيىس ەدى. راسىندا دا، «قالقان اتۋ» سايىسىندا ءبىر نىساناعا قوس جەبەدەن دارىتقان ابزال تۋلىبەكوۆتەن اسقان مەرگەن بولعان جوق. بىراق، جالعىز كەزەڭنەن تۇراتىن «جامبى اتۋ» سايىسىندا سۋىرىلىپ العا شىققان قاراعاندىلىق حاس مەرگەن تالعات ومارباەۆ بولدى. تەڭسەلە قوزعالىپ تۇرعان «التىن جامبىعا» سەگىز ساداقشىنىڭ اراسىنان جەبەسىن ءدال قاداعان دا جالعىز تالعات مەرگەن عانا ەدى. ءسويتىپ، تالعات ومارباەۆ 2018 جىلعى قازاقستان چەمپيونى اتانىپ، قاراعاندى وبلىسىنىڭ قورجىنىنا تۇڭعىش التىن مەدالدى سالدى. ەكىنشى ورىن تارازدىق ابزال تۋلىبەكوۆكە، ءۇشىنشى ورىن اقتوبەلىك داۋرەن كەڭەسباەۆقا بۇيىردى.

سۋرەتتە:   جامبى اتۋدان قاراعاندى وبلىسىنىڭ باس مەرگەنى.  بۇعان دەيىن بىرنەشە فەستيۆال مەن ءتۋرنيردىڭ جۇلدەگەرى، 2017 جىلعى قازاقستان چەمپيوناتىنىڭ كۇمىس جۇلدەگەرى،  جامبى اتۋدان ۇلتتىق قۇراما كوماندانىڭ  مۇشەسى، «التىن جەبە» حالىقارالىق تۋرنيرىنە قاتىسۋشى،  2018 جىلعى  قازاقستان چەمپيونى تالعات ومارباەۆ.

اپتا بويى جانكۇيەردىڭ كوڭىلىن الاڭ قىلعان كوكپار باسەكەسىنە 15 كوماندا قاتىسقان-دى. ادەتتەگىدەي، فينالدىق ويىن تۇركىستاندىق «قۇلاگەر» مەن تارازدىق «اۋليە-اتا» كوماندالارى اراسىندا ءوتىپ، 4:3 ەسەبىمەن «قۇلاگەر» كومانداسى جەڭىمپاز اتانىپ ەدى. ال، ءۇشىنشى ورىنعا تالاسقان قىزىلوردا مەن ماڭعىستاۋ وبلىسى كوماندالارىنىڭ اراسىنداعى ويىندا ماڭعىستاۋلىق كوكپارشىلاردىڭ مەرەيى ۇستەم بولىپ، قولا مەدالدى قانجىعالارىنا بايلاعان-دى.

مىنە، 2018 جىلعى ەلىشىلىك چەمپيونات وسىنداي قىزىقتارىمەن ەستە قالىپ ەدى. ال ەندى بيىلعى قازاقستان چەمپيوناتى قانداي دەڭگەيدە وتپەك؟ ۇلتتىق سپورتتىڭ ەسەپ-شوتىن قاققان مامانداردىڭ ايتۋىنشا، الداعى چەمپيوناتتا دا جاڭا ەسىمدەر مولىنان تانىلۋعا ءتيىس. سەبەبى، بيىلعى سىنعا قاتىسۋعا تىلەك بىلدىرگەندەر سانى وتكەن جىلدارمەن سالىستىرعاندا اناعۇرلىم كوپ كورىنەدى. اسىرەسە، جامبى اتۋشىلار قاتارى قالىڭداي تۇسكەن. ونىڭ ءبىر سەبەبى، ەلوردادا جامبى اتۋدان تۇڭعىش رەت وتەتىن «التىن جەبە» الەم چەمپيوناتى. ءى الەم چەمپيوناتىندا باق سىناۋعا اركىم-اق قۇمار. الداعى قازاقستان چەمپيوناتىندا ۇزدىك شىققان بەس مەرگەننىڭ وسى تۇڭعىش الەمدىك دوداعا قاتىسۋ مۇمكىندىگى بار. ەسكە سالىپ وتسەك، جامبى اتۋدان ءى الەم چەمپيوناتى نۇر-سۇلتان قالاسىندا 31 مامىر مەن 2 ماۋسىم ارالىعىندا وتەدى.

تولەگەن جاكىتاي