Aqtóbede ulttyq oıyndar saltanat qurdy

Búgin Ulttyq sporttan V festıvaldiń saltanatty ashylýy ótti. Aqtóbe qalasyndaǵy «Jekpe-jek» sport saraıynda ótken saltanatty jıynǵa Aqtóbe oblysynyń ákimi Ońdasyn Orazalın qatysyp, quttyqtaý sóz sóılep, sportshylarǵa sáttilik tiledi. Saltanatty jıyn sońynan osy sport kesheninde Qazaq kúresiniń alǵashqy beldesýleri bastalyp ketti. Búgin boz kilemge 55 jáne 60 kılo salmaqtaǵy balýandar shyqty. Bul týraly Qazaqstan Ulttyq sport qaýymdastyǵy habarlady.

Sondaı-aq, búgingi kúni festıval jankúıerleri teńge ilý men aýdaryspaq sportshylarynyń ónerin tamashalady. Bıylǵy Jastar arasyndaǵy Qazaqstan chempıonatynda  qola júldeger bolǵan batysqazaqstandyq Beknur Serikov V festıvalda teńge ilýden chempıon atandy. Teńge ilýden buǵan deıin eresekter arasyndaǵy I Azııa chempıonatynyń jeńimpazy, Jastar arasyndaǵy I Azııa chempıonatynyń jeńimpazy, II Azııa chempıonatynyń kúmis júldegeri, elishilik chempıonattyń birneshe dúrkin jeńimpazy, tájirıbeli sportshy Ǵalymjan Izjanov bul joly kúmis júldeni qanaǵat tutty. Al, festıvaldiń qola júldesi aqmolalyq sportshy Azamat Qadyrovqa buıyrdy.

Aqtóbe qalasyndaǵy jabyq manejde tamashalaǵan V festıvaldiń búgingi aýdaryspaq básekesi shıelenisti jekpe-jekke toly boldy. Bes salmaq boıynsha ótken jarysta tómendegi balýandar júldeli oryndardy ıelendi.

60 kılo salmaq boıynsha:

1 oryn – A.Serǵazın (Aqtóbe obl);

2 oryn – E.Quralbaı (Túrkistan obl);

3 oryn – A.Jumadilov (Jambyl obl).

  70 kg salmaq boıynsha:

1 oryn – D.О́tkelbaı (Túrkistan obl);

2 oryn – Sh.Erjanov (Aqtóbe obl);

3 oryn – B.Orazbek (Qyzylorda obl).

80 kılo salmaq boıynsha:

1 oryn – N.Ámzeev (Túrkistan obl);

2 oryn – A.Esenǵarın  (Aqtóbe obl);

3 oryn – J.Jálimbetov (Qyzylorda obl).

  90 kg salmaq boıynsha:

1 oryn – S.Izbasarov (Túrkistan obl);

2 oryn – S.Yntyzarbekov (Jambyl obl);

3 oryn – N.Bosov (Soltústik Qazaqstan obl).

  +90 kılo salmaq boıynsha:

1 oryn – B.Qosalıev (Túrkistan obl);

2 oryn – A.Saǵymbaev (Aqtóbe obl);

3 oryn – D.Smaıylov (Jambyl obl).

Eske sala ótelik, erteńgi kúni Aqtóbe qalasynyń irgesindegi atshabarda kókpar komandalarynyń túıisý  oıyndary (stykovochnnye ıgry) ótkiziledi. Jankúıerler erteń Jambyl oblysy men  Soltústik Qazaqstan oblysy, Túrkistan oblysy men Aqtóbe oblysy, Qostanaı oblysy men  Mańǵystaý oblysy, Nur-Sultan qalasy men Aqmola oblysy, Batys Qazaqstan oblysy men Shyǵys Qazaqstan oblysy, Qyzylorda men  Qaraǵandy oblysy komandalarynyń arasyndaǵy básekelerdi tamashalaıtyn bolady.