«Altyn tulpar» Jaıyqtyń jaǵasynda jalǵasady

12 qazan kúni Qazaqstan Respýblıkasynyń Tuńǵysh Prezıdenti, Elbasy N.Nazarbaevtyń «Rýhanı jańǵyrý» baǵdarlamasy  aıasynda «Nur-Otan» partııasynyń qoldaýymen, Ulttyq sport qaýymdastyǵy men Atyraý oblystyq ákimdiginiń birlese uıymdastyrýymen Atyraý oblysy, Mahambet aýdany Almaly eldimekeninde «Altyn tulpar» alaman báıgesi tamashalanady. Bul týraly Ulttyq sport qaýymdastyǵy habarlady.

«Altyn tulpar» báıgesiniń 2014 jyldan bastap tórt márte Nur-Sultan qalasy aýmaǵynda ótkizilgeni barshaǵa belgili. Qazaqy qoltýma júırik jylqylar tuqymynyń qalyptasýyna yqpal jasaý jáne uzaqqa shabatyn báıge attaryn baptaıtyn atbegilerdi yntalandyrý maqsatynda qolǵa alynǵan bul at jarysy qazirgi kezde   Qazaqstannyń eń úzdik sáıgúlikteri qatysatyn, aıtýly atbegilerdiń asyǵa kútetin merekesine aınaldy. «Altyn tulpar» respýblıkalyq týrnıriniń bas báıgesin 2014 jyly Qaraǵandy oblysynyń júırigi «Baqtory», 2015 jyly Jambyl oblysynyń tulpary «Camal», 2016 jyly Jetisý ólkesiniń júırigi «Jannur», 2017 jyly Jambyl oblysynyń tulpary «Samal» ekinshi márte utty.

О́tken jyly uıymdastyrýshylar alqasy «Altyn tulpar» báıgesin  elorda tóńireginde ǵana emes,  elimizdiń basqa óńirlerinde de ótkizgen jón dep sheshti. Eki jylda bir ret uıymdastyrylatyn boldy. Bıylǵy alaman báıgeniń resmı ataýy – «Altyn tulpar – Jaıyq jaǵasynda» V respýblıkalyq týrnıri. Qashyqtyǵy – 51 shaqyrym. Bas báıgesi – 10 mıllıon teńge. Jalpy júlde qory – 22 mıllıon teńge. Aldyńǵy kelgen toǵyz júırikke báıge bar. Alaman  jarysqa júırik jylqy tuqymdarynyń barlyǵy jiberilip, elimizdiń 14 oblysy jáne Nur-Sultan, Almaty, Shymkent qalalarynyń árqaısysynan 5 sáıgúlikten qatysady. О́tinimder 11-qazanǵa  deıin qabyldanady.

Sondaı-aq, 11-12 qazanda Atyraý qalasy kúnine oraı, Atyraý oblysy ákimdiginiń bastamasymen, Atyraý oblysy dene shynyqtyrý jáne sport basqarmasynyń,  oblystyq «Ulttyq sport túrleri» federaııasynyń uıymdastyrýymen, Mahambet aýdany Almaly aýylynda «Daraboz-2019» halyqaralyq týrnıri  ótedi. Kókpar, aýdaryspaq, qazaqsha kúres, teńge ilý, jamby atý, alaman, top jáne  qunan báıge,  jorǵa jarysy, qumaı tazy jarystary syndy ulttyq sport túrlerinen ótetin bul týrnırge Qazaqstan jáne shetel komandalary qatysady. Jarystyń júlde qory – 32 180 000 teńge.

Eske sala ótelik, «Altyn tulpar – Jaıyq jaǵasynda» V respýblıkalyq týrnıri men «Daraboz-2019» halyqaralyq týrnıriniń baspasóz máslıhaty Atyraý qalasynda 8 qazan kúni ótedi. Aqparattyq qoldaýshy – «Habar 24» telearnasy.