قازاقستاندىق كلۋبتاردىڭ ەۋروپا ليگاسىنداعى قارسىلاستارى بەلگىلى بولدى

ۋەفا-نىڭ شتاب-پاتەرىندە ەۋروپا ليگاسىنىڭ ءبىرىنشى راۋندىنا ارناپ جەرەبە تارتىلدى.

بۇل تۋرنيردە قازاقستان اتىنان «قايرات»، «ەرتىس»، «ورداباسى» كوماندالارى قاتىسادى. ولار جارىستى ءبىرىنشى كەزەڭنەن باستايدى.

«قايرات» بۇل سىندا ليتۆانىڭ «اتلانتاس» كومانداسىمەن كەزدەسسە، «ورداباسى» بوسنيالىق «شيروكي بريەگ» ۇجىمىمەن كۇش سىناسادى. ال «ەرتىستىڭ» قارسىلاسى — بولگاريالىق «دۋناۆ».

«قايرات»، «ەرتىس»، «ورداباسى» كوماندالارى العاشقى ويىندارىن 29 ماۋسىم كۇنى ءوز الاڭدارىندا وتكىزسە، قارىمتا كەزدەسۋ 6 شىلدەگە بەلگىلەندى.

وسىعان دەيىن چەمپيوندار ليگاسىندا «استانانىڭ» قارسىلاسى لاتۆيانىڭ «سپارتاك» كومانداسى ەكەنى حابارلانعان.