Almatyda jýrnalıster men ánshiler jarysty

Almaty qalasynda  qazaqtyń belgili ánshi-kompozıtory Altynbek Qorazbaevtyń «Altyn dombyra» atty óner mektebiniń ashylýyna oraı shaǵyn fýtboldan týrnır ótti.

Bul jarysqa qazaq estradasy ánshileriniń birtalaıy qatysyp, jasyl alańda óner kórsettti.  О́nerpazdar sporttan da qur alaqan emes ekendikterin qoldan kelgenshe kórsetýge tyrysty. Ánshilerden quralǵan «О́ner qyrandary» komandasynda Meırambek Besbaev, Nurmuqasan, Jubanysh Jeksenuly, Ernar Aıdar, Soltan Kúntý, Mels Saǵatuly, Serjan Moldasan, Ǵadilbek Janaı, Raıym Ýaıys tartysty oıyndarymen kópshilikti tánti etti. Ásirese, Jubanysh Jeksenulynyń goldarynan naǵyz kásipqoı fýtbolshyǵa  tán erekshelikter baıqalyp turdy. Týrnırdi tamashalaýǵa kelgen kórermender tamasha keremet áser aldy. Jarystyń saltanatty ashylýynda sóz alǵan Altynbek Qorazbaev osyndaı pandemııa kezinde ótkizilip otyrǵan shaǵyn týrnırdiń salamatty ómir saltyn umytpaı, óner ıelerine rýhanı demeý-kúsh  bolsyn degen nıetpen uıymdastyrǵanyn aıta kelip, qatysýshylarǵa sáttilik tiledi. О́ner maıtalmany oıyn alańyna shyǵyp, ysqyryq shalynǵannan keıin matchty bastap berdi. Sodan keıin jeńis úshin jasyl alańda jantalasqan kezdesýler qyza bastalyp ketti.

Jýrnalısterden qurylǵan komanda  jarys barysynda «О́ner qyrandary» men «Altyn dombyra» komandalaryn jeńip fınalǵa shyqty. Fınalda Ǵ.Músirepov atyndaǵy jastar  teatrynyń komandasymen terezesi teńdeı oıyn kórsetti. Jastar teatrynyń komandasy rasymende jalyn atqan jastardan jasaqtalǵan myqty qurama bolyp shyqty. Aqyn Oradabaı, Shoqan Maqanov, Aman Tasyǵan sekildi jastary aldy elýdi sońy otyzdy alqymdaǵan tisqqaqan tájirbıeli jýrnalıster komandasyna ájepteýir qarsylyq kórsetti. Kún eńkeıip uıasyna batyp ketkende oıyn aıaqtalyp, jeńimpazdar men júldegerler ataqty ánshi Altynbek Qorazbaevtyń qolynan syı-qurmettermen marapattaldy.

«Jarystyń úzdik oıynshysy» ataǵy belgili jýrnalıst Aqyn Ordabaıǵa tabys etildi. Osyndaı tartysty týrnırdi uıymdastyrýǵa uıytqy bolǵan ánshi, rejısser Soltan Kúntýǵa jıylǵan halyq pen qatysýshylar zor rızashylyqtaryn bildirip jatty. Shyn máninde, elimiz myna jaman indetten endi ǵana esin jıyp, aıylyn tarta bastaǵan kezde, janymyzǵa bul týrnır jylý berip, serpiltip  sergitkendeı boldy. Aýrýǵa moıymaı qarsy turý erlik bolyp sanalady emes pe. Al, osyndaı kezeńde salamatty ómir saltyna arnalǵan jarystardyń demeýi kóp ekenin umypaǵanymyz lázim. Árıne, halyq kóp jıylmaı qoıylǵan talaptarǵa qurmetpen qaraýdyń da densaýlyǵymyz úshin mańyzy zor. Sonymen jarys sońyndaAltynbek Qorazbaev Alla buıyrtyp jatsa aldaǵy ýaqytta bul týrnırdiń  kólemin keńeıtip, dástúrlik etip jasaýǵa nıetteri bar ekendigi týraly óz oıynan habar bere ketti. Olaı bolsa, Ońtústik shaharymyzda jaqsylyqqa baǵyshtar sporttyq bolashaqta kórip qalýymyz ábden múmkin.

Dýlat KÁRIBAI,

ALMATY