SportPress.kz Qazaqstan sport jańalyqtary
«Slavııa» komandasynyń bas bapkeri Iaroslav Щılhavy Eýropa lıgasynyń toptyq kezeńinde «Astanaǵa» qarsy kezdesý týraly óz oıyn aıtty.
– «Astananyń» oıyny jaıly qandaı oıdasyz?
– «Astanada» myqty oıynshylar jınalǵan. Olarda Eýropa fýtbolynda oınaǵan tájirıbeli fýtbolshylary bar. Biz «Seltıkke» qarsy oıyndy kórip shyqtyq. «Vılıarrealǵa» qarsy kezdesýdi de taldadyq. Jaqsy oıyn kórsetti. Birneshe múmkindigi boldy.
– Siz 4-5-1 syzbanusqasyn qoldanǵandy unatady dep estidik. Bul shynymen solaı ma?
– Daıyndyǵymyzdy egjeı-tegjeıli aıtqandy unatpaımyn. Ras, osy nusqany qoldanamyz. Oıyn barysynda 4-3-3 nusqasyn da qoldanýymyz múmkin. «Astanany» jeńý úshin birneshe jospar qurdyq.
– «Astana» birneshe oıyn óz alańynda utylmaı keledi. Erteń jeńilemiz dep oılamaısyz ba?
– Biz ár oıynda jeńiske jetkimiz keledi. Eshkimnen qoryqpaımyz. Erteń jeńýge tyrysamyz.
– Qazaqstan ulttyq quramasynyń burynǵy bapkeri Mıroslav Veranek qazir sizdiń komandańyzda qyzmet etedi. Daıyndyq barysynda onymen aqyldastyńyz ba?
– Búginge deıin «Astanada» aıtarlyqtaı ózgerister boldy. Mıroslav Veranekpen aqyldasqanym ras. Biraq ony asa mańyzdy dep oılamaımyn. Bizde ózge qıyndyqtardyń baryn aıta keteıin. Aýa-raıynda 20 gradýs aıyrmashylyq bar, ýaqyt aıyrmashylyǵy da bar. Biraq biz tez arada beıimdelýimiz kerek. Sonymen qatar, biz alǵashqy oıynda jeńiske jettik. Al «Astana» favorıt komandaǵa ese jiberdi. Sondyqtan erteń «Astana» jeńiske jetý úshin baryn salady dep oılaımyn. Eýropa lıgasynda ár komanda úshin bir upaı bolsa da mańyzy zor.
– Jasandy alań kedergi keltiredi dep oılaısyz ba? «Slavııa» úshin Chehııa chempıonatyndaǵy óz ornyn saqtap qalý mańyzdy ma, álde…
– Chehııada eshkim jasandy alańda oınamaıdy. Biraq bul bizge syltaý emes. Erteńgi oıynda jeńiske degen qulshynysymyzǵa kedergi keltiredi dep oılamaımyn. Biz úshin chempıonat ta, Eýropa lıgasy da mańyzdy.
Aıta keteıik, «Astana» men «Slavııa» arasyndaǵy kezdesý erteń saǵat 21:00-de bastalady.
