«Astana» óz alańynda «Slavııamen» teń tústi

Eýropa lıgasynyń toptyq kezeńindegi 2-týrda «Astana» óz alańynda Chexııanyń «Slavııa» komandasyn qabyldap, 1:1 esebimen teń tústi.

Kezdesýdiń 18-mınýtta qonaqtar esep ashyp alǵa shyqty. Aıyp dobynan áýeleı kelgen dopqa Ngadeý-Ngadjýı birinshi bolyp jetip, mańdaıymen dál soqqy jasady. Bul tusta qaqpashy Nenad Erıch tosqaýyl bola almady.

Jerlesterimizdiń alǵashynda jospary órge júrmegenmen, birinshi taımnyń sońyna taman oıyndy óz qoldaryna aldy. Matchtyń 42-mınýtynda Djýnıor Kabananganyń soqqysyn «Slavııa» qaqpashysy Prjemysl Kovarj qaıtarǵanmen, ile-shala aldynan shyqqan Marın Tomasovqa qarsy tura almady.

Al ekinshi taım bastapqyda tartysty ótpegenmen, «Astana» aqyryndap oıyndy óz ıeligine ala bastady. Basymdyqty arttyratyn múmkindikter bolǵanmen, jerlesterimiz tıimdi paıdalana almady.