V Islamıada: Qazaqstannyń jeńimpazdary men júldegerleriniń tizimi jarııalandy

Túrkııanyń Konııa qalasynda V Islam yntymaqtastyq oıyndary aıaqtaldy. Bul dúrmekti dodada Qazaqstan sportshylary 27 altyn, 23 kúmis jáne 39 qola júldemen jalpykomandalyq esepte besinshi orynmen qorytyndylady.

Oqyrmannyń nazaryna jýrnalıst Musaǵalı Tasqalıevtiń Islamıada týraly materıalyn usynýdy jón kórip otyrmyz.

Islam oıyndary – Islam konferenııasy uıymyna kiretin elderdiń eń iri halyqaralyq jarysy.

I Islam oıyndary 2005 jyly Saýd Arabııasynda ótip, 54 memleket qatysty. Jarys qojaıyndary Saýd Arabııasy jalpykomandalyq esepte top jardy. Ekinshi orynnan Egıpet kórinse, Qazaqstan quramasy úshinshi orynǵa ıe boldy.

II Islam oıyndary 2009 jyly Iranda ótýge tıisti bolatyn. Alaıda, Iran men Arab elderi arasyndaǵy kıkiljińge baılanysty 2010 jylǵa aýysty da artynan múldem ótpeı qaldy.

III Islam oıyndary 2013 jyly Indonezııanyń Palembang qalasynda ótti. О́kinishke qaraı, Qazaqstan quramasy bul dodaǵa qatysqan joq. Jarys qojaıyndary Indonezııa 29 altyn, 26 kúmis jáne 23 qolamen top jardy. Ekinshi orynǵa Egıpet ıe bolsa, úzdik úshtikke Túrkııa endi.

IV Islam oıyndary 2017 Ázerbaıjan astanasy Baký qalasynda ótip, 57 memleket ókili qatysty. Qazaqstan quramasy bul synda 14-oryn aldy. Top basynda jarys qojaıyndary Ázerbaıjan komandasy bolsa, ekinshi orynǵa Túrkııa ıelik etti. Iran quramasy úshinshi orynnan kórindi. Tórtinshi oryndy О́zbekstan aldy. 17 memlekettiń sportshylary birde-bir júldeni ıelene almady.

V Islam oıyndary 2021 jyly alǵashynda Túrkııanyń Ystambul qalasynda ótýge tıisti edi. Alaıda Olımpıada oıyndarymen tuspa-tus kelgendikten Konııa qalasyna aýysty. Biraq álemdi jaılaǵan pandemııanyń kesirinen ótpeı qalyp, bıyl dúrkirep ótti. Jarys qojaıyndary jeke-dara kósh bastasa, О́zbekstan quramasy ekinshi oryn aldy. Úshinshi orynda Iran sportshylary. Tórtinshi orynda Ázerbaıjan. Qazaqstan quramasyna buıyrǵany bul joly besinshi oryn boldy.

VI Islam oıyndary 2025 jyly Indonezııanyń Bandýng qalasynda ótedi dep josparlanǵan. Buıyrsa ol synda Qazaq eli sportshylary úzdik úshtikten oıyp turyp oryn alady degen úmittemiz!

Endi sizderdiń nazarlaryńyzǵa V Islam oıyndarynda jeńimpaz jáne júldeger bolǵan sportshylarymyzdyń tolyq tizimin usynamyz:

1. Aızada Múptilda (Aýyr atletıka) 3 altyn
2. Zýlfııa Chınshanlo (Aýyr atletıka) 3 altyn
3. Rınata Sultanova (Velosport) 3 altyn, 1 qola
4. Arlı Chonteı (Aýyr atletıka) 2 altyn, 1 kúmis
5. Ádilbek Mýsın (Sýǵa júzý) 2 altyn
6. Aıda Baýyrjanova (Sporttyq gımnastıka) 1 altyn, 1 kúmis, 1 qola
7. Eljańa Tanıeva (Kórkem gımnastıka) 1 altyn, 2 qola
8. Adelıada Pchelıneva (Sýǵa júzý) 1 altyn, 1 qola
9. Álisher Jumahan (Velosport) 1 altyn 1 qola
10. Sofıa Ábýbákirova (Sýǵa júzý) 1 altyn
11. Qaısar Alpysbaı (Karate) 1 altyn
12. Sofıa Berýleva (Karate) 1 altyn
13. Berik Ysqaqov (Kıkboksıng) 1 altyn
14. Mıhaıl Lıtvın (Jeńil atletıka) 1 altyn
15. Álıhan О́zdoev (Kıkboksıng) 1 altyn
16. Mahat Úsip (Kıkboksıng) 1 altyn
17. Artem Zaharov (Velosport) 1 altyn
18. Nursultan Jumabaev (Kıkboks) 1 altyn
19. Lıýbov Kovalchýk (Aýyr atletıka) 3 kúmis
20. Araı Nurlybekova (Aýyr atletıka) 3 kúmis
21. Alekseı Chýrkın (Aýyr atletıka) 3 kúmis
22. Artem Antropov (Aýyr atletıka) 2 kúmis
23. Aısha Omarova (Aýyr atletıka) 2 kúmis
24. Asylhan Bektaı (Aýyr atletıka) 1 kúmis
25. Mádına Baqbergenova (Kúres) 1 kúmis
26. Mılad Karımı (Sporttyq gımnastıka) 1 kúmis
27. Narıman Qurbanov (Sporttyq gımnastıka) 1 kúmis
28. Dmıtrıı Patanın (Sporttyq gımnastıka) 1 kúmis
29. Rýslan Stepanov (Kıkboksıng) 1 kúmis
30. Dmıtrıı Moskov (Velosport) 1 kúmis
31. Ksenııa Ignatova (Sýǵa júzý) 3 qola
32. О́tepbergen Alıev (Aýyr atletıka) 2 qola
33. Adlan Asqarov (Kúres) 1 qola
34. Jámıla Baqbergenova (Kúres) 1 qola
35. Amanǵalı Bekbolatov (Kúres) 1 qola
36. Jansel Denız (Taekvondo) 1 qola
37. Danıela Dý (Sýǵa júzý) 1 qola
38. Mamed Ibragımov (Kúres) 1 qola
39. Nurdáýlet Qalshora (Kıkboksıng) 1 qola
40. Rahat Qaljan (Kúres) 1 qola
41. Ásel Qanaı (Karate) 1 qola
42. Shara Hamzına (Kıkboks) 1 qola
43. Baýyrjan Hasenov (Taekvondo) 1 qola
44. Jasýrbek Klychov (Taekvondo) 1 qola
45. Batyrhan Qýandyqov (Kıkboksıng) 1 qola
46. Marına Kýzmına (Velosport) 1 qola
47. Irına Kýzneova (Kúres) 1 qola
48. Ellada Mahıatdınova (Kúres) 1 qola
49. Krıstına Ovchınnıkova (Jeńil atletıka) 1 qola
50. Svetlana Paщenko (Velosport) 1 qola
51. Qanat Seıilhan (Dzıýdo) 1 qola
52. Denıs Jolýdev (Ústel tennısi) 1 qola

Mine, joǵaryda esimderi atalǵan ul-qyzdarymyz Islam oıyndarynyń qaharmandary atanyp, 27 ret Ánuranymyzdy shyrqatsa, 89 ret kók týymyz kókke kóterildi. Islamıadaǵa qatysqan 56 memleketten 12-si birde-bir júldege ilikken joq. Bizdiń sportshylar úzdik bestikten kórindi. Jeńis qutty bolsyn aǵaıyn! Qazaq sportynyń dańqy arta bersin! «Sport juldyzdary» jýrnaly eki apta boıy sizderge Túrkııanyń Konııasynan kún saıyn sportshylarymyzdyń árbir jetistigin sol boıda jetkizip, súıinshi surap otyrdy. Túrkııaǵa barmasaq ta sizderge Islam elderiniń Olımpıadasyna aınalǵan oıyndardyń ótý barysyn jedel jetkizýge tyrystyq. Sportshylarymyzdyń jeńisine sizdermen birge qýanyp, jeńilisterine birge muńaıdyq.

Aldaǵy ýaqytta jeńisti kúnderimiz kóp bolsyn deımiz aǵaıyn! Sportshylar kúni barshańyzǵa qutty bolsyn! Elimiz aman, beıbitshilik zaman bolsyn! Alla Taǵala Qazaq elin bále-jáleden saqtasyn!  Ár qazaqtyń shańyraǵynda qýanysh, shattyq, toı bolsyn!