Ázerbaıjannyń astanasy Baký qalasynda grek-rım kúresinen Álem kýbogy úshin týrnır aıaqtaldy. Jyldyń qorytyndy básekesine Aıdos Sultanǵalı alǵash ret jasaqtalǵan Álem quramasy sapynda qatysty.
Ol túrik balýany Mýkremın Aqtastan 7:1 esebimen basym túsip, komandanyń júldeni jeńip alýyna úles qosty. Álem quramasy men Túrkııa arasyndaǵy teketires 5:5 esebimen aıaqtalǵan. Biraq nátıjeli upaı boıynsha 22:19 esebimen álem quramasy jeńip ketti.
Bozkilem sheberi kyrkúıekte Belgradta ótken álem chempıonatynda óz salmaǵynda (60 kelige deıin) úzdik úshtikten kóringen edi. Sol kezde onyń medali grek-rım kúresinen ulttyq quramanyń jalǵyz júldesi boldy.
Dastan KENJALIN,
ASTANA