• Қазақ
  •   
  • Qazaq
  •   
  • قازاق
  •   
  • Рус
  •   

    Qazaq kúresiniń jelbiregen jalaýy

    Serik Tókeev aǵamyzdy bizden artyq biletin adamdar kóp qoı. Ony ózimen ómir boıy úzeńgiles bolyp, syrlasyp júrgen áriptesteri jaqsy biledi. Al bizdiń Serik aǵamen tanystyǵymyzǵa 13 jyldaı ǵana ýaqyt bolypty. Sodan beri ekeýmiz aǵaly-inili bolyp syılasyp kelemiz.

    Sekeńmen tanystyǵym 2004 jyly bastalǵan. Bul – Afına Olımpıadasy ótetin jyl bolatyn. Sol jyly «Egemen Qazaqstan» gazetinde istep júrgenimde sportshylardyń tórt jylda bir aınalyp keletin dúrmekti dodaǵa daıyndyǵy týraly materıal ázirleý kerek bolǵan soń, Shtattaǵy ulttyq komandalar jáne sport rezervi dırekııasyna barǵan edim. Ol kezde dırekııa Pýshkın kóshesiniń boıynda ornalasqan edi. Mekemege kelsem, ózi eki qabatty ǵımaratta aıadaı bólmeler kóp eken. Sonyń birinde Serik Adambolsynuly da otyratyn. Meni Sekeń jyly qarsy alyp, ekeýmiz biraz ýaqyt sport týraly áńgimelestik. Keıin onyń suhbaty gazetke shyqty.

    Mine, sodan beri aǵamyzben jıi kezdesip, onyń maqalalary men ıntervıýlerin elimizdiń bas basylymynyń betterinde shyǵaryp turdyq. Ol kisi Qajymuqan Muńaıtpasuly atyndaǵy sportta daryndy balalarǵa arnalǵan mektep-ınternatyn basqaryp turǵanda da aramyz alystaǵan joq. Kerisinshe, odan saıyn aramyz jaqyndap, syılasyp kettik. О́ıtkeni, Serik Tókeev sııaqty úlken júrekti, óz isiniń bilikti mamandary qaı kezde bolsa da qaı jerde júrse de qurmetke laıyq. Jalpy, Sekeń týraly kóp aıtýǵa bolady. Sonyń biri – onyń azamattyǵy men adamdyq qasıeti. Muny men ǵana emes, basqa da kóptegen adamdar aıta alady. О́zi ómirde bir kisilik, myń kisilik degen adamdar bolady. Serik aǵa sonyń ekinshisine jatady. Bul kisiniń óz isin urshyqsha ıirip áketetin iskerligi, parasattylyǵy, tektiligi, adamdy alalamaıtyn, bireýge renjise, ókpelese, keń júregimen bárin keshire biletin qasıetteri kópke úlgi bolsa deımin. Al Sekeńniń ózi quryp, onnan astam jyldaı basqarǵan Dúnıejúzilik qazaq kúresi federaııasynyń tól kúresimizdi damytýdaǵy jumysyn aýyz toltyryp aıta alamyz.

    Qazir qazaq kúresin jer-júziniń bári biledi. Kezinde ulttyq sportymyzdyń biraz ýaqyt tasada qalyp, sahna tórine shyǵa almaı qalǵanyn bilesizder. Bul kúresimiz Sekeń federaııa quryp, jumysyn bastaǵannan keıin ekinshi tynysyn ashyp, búginde tórtkúl dúnıeniń tórt buryshyna týyn tigip jatyr. Osy kezge deıin qanshama álem, Eýropa, Azııa, Afrıka, Amerıka chempıonattary ótse, sonyń bári Serik aǵamyz ben onyń janynda júrgen azamattardyń arqasy.

    Seke, men kóp sóılemeıin, basqa adamdardyń da tilekterine oryn qaldyraıyn. Meniń sizge degen qurmetimdi ózińiz jaqsy bilesiz. Bir ǵana aıtarym, basyńyz aman bolsyn! Otbasyńyzben baqytty ómir súrińiz! О́ıtkeni, siz sııaqty taý tulǵaly, tekti azamattar turǵanda qazaq sporty, qazaq eli eshkimge eshqashan ese jibermeıdi. Alpys jasty tal tús deıdi eken. Endeshe, osy asqaraly alpys jasyńyzǵa taǵy da osynshama jas qosyp, mań-mań basyp, qýanyshtaryńyzǵa marqaıyp júre berińiz!

    Eń izgi tilekpen, inilik iltıpatpen Qazaqstan sport baspasózi qaýymdastyǵy Astana qalalyq fılıalynyń tóraǵasy, www.sportpress.kz aqparattyq-saraptamalyq sport saıtynyń bas redaktory Dastan KENJALIN

    Pikir jazý

    Your email address will not be published. Required fields are marked *

    *