SportPress.kz Qazaqstan sport jańalyqtary
Qazaq kúresinen Belarýstiń Mınsk qalasynda ótip jatqan əlem chempıonatynyń ekinshi kúni boz kilemge qyzdar shyqty. Iaǵnı, búginnen bastap qazaq kúresinen alda ótetin barlyq dodaǵa əıelder de qatysatyn bolady. Bul — Olımpıada oıyndaryna kirý úshin qoıylatyn basty talaptardyń biri. Qazaq kúresin Olımpıada sekildi dúbirli dodaǵa qosýdy maqsat etip júrgen azamattardyń isine səttilik tileımiz!
Sonymen Mınsk boz kileminde qyzdar eki salmaq dərejesinde beldesetin boldy. Qazaqstan namysyn +70 kıloda atyraýlyq Qaljan Taıjan men 70 kıloda Altynaı Habı qorǵaıdy. Qaljan sambo kúresinen 4 dúrkin Azııa chempıony jəne belbeý kúresinen əlem chempıony. Dzıýdodan birneshe dúrkin Qazaqstan jeńimpazy.
Alǵash bolyp boz kilemge +70 kıloda serbııalyq Svetlana Iýna men mońǵol Otgon Mýheeg beldesýdi bastady.
Mońǵol palýany qarsylasyn 3 mınýttyń ishinde taza jeńse, kelesi bolyp boz kilemge shyqqan Qaljan Taıjan kilem ıesi belorýs Iýlııa Trahnevıchti qatty qarsylyq kórsetkenine qaramaı upaı sanymen utty .
Mýsaǵalı TASQALIEV,
arnaıy sportpress.kz úshin Mınskden. (Belarýs)
