سپورت فەدەراتسيالارىنىڭ ەسەپ بەرۋى اياقتالدى

مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ «سپورتتى دامىتۋ ديرەكتسياسى» رەسپۋبليكالىق مەملەكەتتىك قازىنالىق كاسىپورنىندا فەدەراتسيالاردىڭ جىلدى قورتىندىلاپ، ەسەپ بەرۋى جالعاسىپ جاتىر.

بۇگىن بىرقاتار وليمپيالىق ەمەس سپورت تۇرلەرى بيىل اتقارىلعان جۇمىس جايلى ەسەپ بەردى. بۇل قاتاردا سۋ استىندا باعدارلاۋ، Nomad MMA، پەنچاك سيلات، كومبات دزيۋ-دزيۋتسۋ، پرەزيدەنتتىك كوپسايىس، الپينيزم، سامبو، فۋتزال، دويبى، سۋدومودەل سپورتى مەن كاراتەنىڭ بىرنەشە ءتۇرى (مەيبۋكان گودزيۋ-ريۋ كاراتە-دو، اشيحارا كاراتە) بار.

سپورت جانە دەنە شىنىقتىرۋ ىستەرى كوميتەتى مەن ديرەكتسيا قىزمەتكەرلەرىنەن قۇرالعان كوميسسيا سپورتتىڭ وسى تۇرلەرىنىڭ ەلىمىزدەگى دامۋ قارقىنى، جەتىستىكتەرى مەن قوردالانعان ماسەلەلەرى جايلى اقپارات الدى. بارلىق فەدەراتسيا الداعى جوسپارىن ۇسىندى. 2023 جىلى قاتىساتىن جارىستارى جونىندە جانە ءوز ۇسىنىستارىن ايتتى. بۇگىنگى ەسەپتەن كەيىن فەدەراتسيالاردىڭ ءبىر جىلعا ارنالعان بيۋدجەتى بەلگىلەنەدى.

ديرەكتسيا ديرەكتورى ورالباي جاقسىمبەتوۆ جيىنعا كەلگەن اتقارۋشى ديرەكتورلار، باس جاتتىقتىرۋشىلار مەن مەنەدجەرلەردى بىرلەسە جۇمىس ىستەۋگە شاقىردى. سونداي-اق كەشەندى جارىستاردا ۇزدىك ناتيجە كورسەتۋگە باسىمدىق بەرىلەتىنىن اتاپ ءوتتى.

داستان كەنجالين،

استانا