SportPress.kz Qazaqstan sport jańalyqtary
Brazılııa qurama komandasy men Ispanııanyń «Barselona» klýby burynǵy qorǵaýshysy Danı Alvesti áıel zorlady degen kúdikpen ustaldy. Ony aıyptaǵan boıjetken polıııaǵa oqıǵanyń mán-jaıyn aıtyp berdi.
Onyń aıtýynsha, fýtbolshy ony túngi klýbtardyń birindegi dárethanaǵa aparǵanda ol birden ketkisi keletinin aıtqan. Biraq brazılııalyq ony jibermegen.
«Men onyń esiktiń artynda turǵanyn bilmedim. Taǵy bir VIP-bólme bolady dep oıladym. Qarsy boldym. Biraq ol menen áldeqaıda kúshti ǵoı», — dedi boıjetken.
Buǵan deıin Alves tórt jyldan 12 jylǵa deıin bas bostandyǵynan aıyrylýy múmkin ekeni habarlanǵan bolatyn.
Ispanııanyń «Iá degenimiz ıá» zańyna sáıkes jynystyq zorlyq-zombylyq úshin tórt jyldan 12 jylǵa deıin bas bostandyǵynan aıyrý qarastyrylǵan. Alves kepilsiz qamaýǵa alyndy. Al meksıkalyq «Pýmas» klýby onymen kelisimshartyn buzdy.
Alves 46 júldeni jeńip aldy. Brazılııalyq fýtbolshynyń eń sátti kezeńi «Barselonada» (2008-2016, 2021-2022 jyldar) ótti. Katalonııalyq klýb sapynda ol alty ret Ispanııa chempıony atandy. Tórt ret Ispanııa kýbogyn jeńip aldy. Tórt ret el sýperkýbogyn ıegeri boldy. Úsh ret Chempıondar lıgasynda, ÝEFA Sýperkýbogynda jáne klýbtar arasyndaǵy álem chempıonatynda jeńiske jetti.
Nurdáýlet KENJEBAI,
ASTANA
