Túrkııada asyq atýdan Eýrazııa kýbogy bastaldy

Túrkııanyń Antalııa qalasynda asyq atý men toǵyzqumalaqtan Eýrazııa kýbogy bastaldy. Oǵan Qazaqstan quramasy sapynda asyq atýdan 3 komanda bolsa, Túrkııa 5 komanda qatystyrýda.

Budan basqa Qyrǵyzstan, Chehııa, Germanııa jáne Rýmynııadan kelgen asyqshylar jarys kórigin qyzdyrýda. Jalpy alǵanda asyq atý men bes asyqtan barlyǵy 66 sportshy synǵa túsýde.

Keshe jarystyń birinshi kúni aldyn-ala oıyndar boldy. Búgin de ózara myqtylar anyqtalyp, 2 aqpan kúni jartylaı fınalǵa shyqqandardar belgili bolady. Fınaldyq oıyndar 3 aqpan kúni ótip, Eýrazııa kýbogynyń ıegerleri anyqtalady.

Nazarlaryńyzǵa Túrkııada el namysyn qorǵap jatqan ulttyq qurama músheleri tizimin usynamyz:

ASYQ ATÝ

«Qazaqstan -1»

1. Erkebaı Sársekov
2. Tımýr Ábilov
3. Qalıbek Qýan

«Qazaqstan -2»

1. Saıat Qızat
2. Almas Jarmaǵambetov

«Qazaqstan -3»

1. Qaırat Jetpisov
2. Qýat Boranalın

«Qazaqstan – 1» quramasy sapyndaǵy Erkebaı Sársekov – byltyr  Rýmynııada ótken Álem kýbogynyń jeńimpazy.

BES ASYQ

«Qazaqstan -1»

1. Sánııa Zeıkenova
2. Mereke Shanabaı

«Qazaqstan -2»

1. Mereı Súleımen
2. Kógershin Dýman

Bes asyqtan ulttyq qurama múshesi — Sánııa Zeıkenova Azııa chempıonatynyń júldegeri. Dodaǵa Qyrǵyzstannan kelgen halyqaralyq dárejedegi sport sheberleri Iskender Kojokeev pen Nýrmýhamed Abdolovtar da qatysýda. Eýrazııa kýbogyna Jomart Sabyrjanov bastaǵan tóreshiler Samat Aýkenov pen Aǵjan Suraǵanovtar ádilqazylyq etýde.

Musaǵalı TASQALIEV,

AQTО́BE