Balýandar Egıpettegi týrnırdi sátti bastady

Egıpettiń Aleksandrııa qalasynda kúresten Olımpıada chempıony Ibrahım Mustafa atyndaǵy bıylǵy ekinshi reıtıngtik týrnır bastaldy. Alǵashqy kúni grek-rım kúresi sheberleri sátti óner kórsetip, jankúıerlerdi qýantty. Bul týraly Mádenıet jáne sport mınıstrliginiń Sportty damytý dırekııasy habarlady.

Áýeli 55 kelige deıingi salmaqta ulttyq quramanyń úsh balýany qurmet tuǵyryna kóterildi. Fınalda Amanǵalı Bekbolatov Marlan Muqashevten aılasyn asyrdy. Taǵy bir otandasymyz Ishar Qurbaev qola medal úshin talasta 2019 jylǵy álem chempıony, grýzııalyq Nýgzarı ýrýmııany 7:3 esebimen jeńdi. Kúmis júldeger atanǵan Marlan alǵashqy aınalymda dál osy Nýgzarıdi utqan. Marlan jýyrda Almatyda ótken kúresten el Spartakıadasynyń jeńimpazy atanǵan.

Odan keıin 60 kg deıingi salmaqta Ernar Fıdahmetov fınalda Túrkııanyń balýany Kerem Kamalǵa ese jiberip, kúmis medalge ıe boldy. Al 63 kg deıingi salmaqta eki qazaqstandyq – Dastan Zarlyhanov pen Muhammedáli Mamyrbek qola úshin kúresti. Bul beldesýde Zarlyhanov jeńiske jetti.

67 keli salmaqtaǵy Mereı Bekenov óz salmaǵynda qarsylas shaq keltirmeı, elimizge ekinshi altyn júldeni syılady. Sheshýshi aıqasta ol grýzııalyq Djonı Heýrıanıdi utty. Asa aýyr salmaqtaǵy el chempıony Álimhan Syzdyqov qyrǵyzstandyq Roman Kımdi jeńip, qola medal aldy.

Qazir Ulttyq qurama enshisinde 2 altyn, 2 kúmis pen 3 qola medal bar. Grek-rım kúresinen qalǵan úsh salmaqtaǵy júldegerler erteń anyqtalady.

Amanǵalı Bekbolatov jeńis tuǵyrynda

Dastan KENJALIN,

FOTO: Mádenıet jáne sport mınıstrliginiń Sportty damytý dırekııasy

ASTANA