«Azııa balalary» oıyndary: Varvara Glýhova altyn júlde aldy

Búgin qysqy sport túrlerinen Reseıdiń Kemerovo oblysynda ótip jatqan II  «Azııa balalary» oıyndarynda konkımen júgirýden sońǵy júle jıyntyǵy sarapqa salyndy. Aldyńǵy eki kúnde medalge synyq súıem qalǵanda súrinip kelgen qazaqstandyqtar bul joly 1 altyn, 1 kúmis júlde jeńip aldy.

Konkıshi Varvara Glýhova jeńimpaz atansa, komandalyq sprıntte Denıs Mezenev, Mıhaıl Brovko men Mıhaıl Matrıýhın úshtigi Sibir federaldy okrýgynan keıingi ekinshi nátıje kórsetti. Bizdiń quramanyń kórsetkishi – 1:36.75 sekýnd. Olar jeńimpazdan 6 sekýnd qalyp qoıdy. Úzdik úshtikti Belarýs túıindedi.

Al Varvara Glýhova konkımen júgirý jarysynda dıstanııany 6 mınýt 11,61 sekýndta júgirip ótti. Kúmis júlde Belarýs ókili Palına Seveke buıyrsa, qola júldeni reseılik Ekaterına Ostrovskaıa aldy.

Varvara Glýhova Kýzbass óńirinde jalaýy jelbiregen Oıyndarda jaqsy nátıje kórsetti. Ol 500 metr qashyqtyqta 5-oryn, 1000 metr qashyqtyqta 7-oryn, bir jarym mılde 9-oryn, 3 shaqyrym qashyqtyqta 5-oryn, al komandalyq sprıntte 4-oryn jáne Mass-startta 1-oryn aldy.

Qyzdar arasyndaǵy sprıntte Qazaqstan quramasyna sál sáttilik jetispedi. Aızada Rymbek, Varvara Glýhova men Ekaterına Larıonova tórtinshi satyǵa turaqtady.

Osy ýaqytqa deıin Qazaqstan quramasynyń qorjynyna 12 medal tústi. Qazir quramada 3 altyn, 4 kúmis jáne 5 qola bar.

«Azııa balalary» II qysqy oıyndary 5 naýryzda aıaqtalady.

Shamken BAIYRBEK,

FOTO: Maksım IVANOV

ASTANA