SportPress.kz قازاقستان سپورت جاڭالىقتارى
ەلىمىزدىڭ ءتورت قالاسىندا 14 ناۋرىزدا ءحى قىسقى گيمنازيادا باستالادى، دەپ حابارلادى Halyq Uni تىلشىسى.
وقۋ-اعارتۋ مينيسترلىگىنىڭ مالىمەتىنە قاراعاندا، سايىس شاڭعى جارىسى، قىسقى پرەزيدەنتتىك كوپسايىس، قىسقى سپورتتىق باعدارلاۋ، مانەرلەپ سىرعاناۋ، شورت-ترەك، بەندي، كونكيمەن سىرعاناۋ، شايبالى حوككەي سىندى سپورتتىڭ 8 تۇرىنەن وتەدى.
گيمنازيادا جارىستارى مەكتەپ سپورتىنىڭ دامۋىنا، وقۋشىلاردىڭ سپورتقا دەگەن قىزىعۋشىلىقتارىن ارتتىرۋعا سەپتىگىن تيگىزەدى. سوندىقتان ءبىز ەلىمىزدەگى الدىڭعى قاتارلى سپورتتىق سايىستىڭ رەسپۋبليكالىق كەزەڭىنە جولداما العان جاس سپورتشىلاردىڭ قاتىسۋىنا ەرەكشە نازار اۋدارىپ وتىرمىز. 2022 جىلى قازاقستاندىق وقۋشىلار قۇراماسى العاش رەت دۇنيەجۇزىلىك جازعى گيمنازياداعا قاتىسىپ، 64 ەلدىڭ ىشىنەن ءۇشىنشى ورىنعا يە بولدى. جەڭىمپازدار مەن جۇلدەگەرلەرگە جوعارى وقۋ ورىندارىنا مەملەكەتتىك گرانتتار بەرىلدى، – دەدى ۇلتتىق عىلىمي-پراكتيكالىق دەنە شىنىقتىرۋ ورتالىعىنىڭ باس ديرەكتورى ساعدات سادىقوۆ.
ءحى قىسقى گيمنازيادا استانا، ششۋچە، پاۆلودار جانە وسكەمەن قالاسىندا وتەدى. وعان ەلىمىزدىڭ بارلىق وڭىرىنەن 700-گە جۋىق وقۋشى قاتىسادى.
دينارا امانتاي،
استانا
