Rybakına masters týrnıriniń shırek fınalyna shyqty

Qazaqstannyń birinshi, álemniń 10-raketkasy Elena Rybakına AQSh-ta ótip jatqan Indıan-Ýells WTA 1000 týrnıriniń shırek fınalyna shyqty.

Rybakına tórtinshi aınalymda dúnıejúzilik reıtıngte 66-orynda turǵan reseılik Varvara Grachevamen kezdesti.

Qarsylastar osyǵan deıin bir-aq ret kezdesip, onda Elena jeńgen edi.

Bul joly birinshi partııada esep 3:3 bolǵan kezde Rybakına taǵy bir breıkpen alǵa shyqty. Sodan keıin taǵy bir breıkpen esepti 6:3 etti. Ekinshi set te Rybakınanyń paıdasyna sheshildi. Esep – 5:0. Odan keıin ol tórtinshi matchboldy tıimdi paıdalana aldy. Esep — 6:0.

Bul men úshin qıyn matchtardyń biri boldy. Dese de eki sette jeńiske jetkenim úshin qýanyp otyrmyn. Týrnırdegi jaǵdaılar qolaıly dep aıta almaımyn. Biraq beıimdelýge tyrysyp jatyrmyn. Ázirshe qolymnan kelip jatqan sııaqty, — dedi Elena Rybakına.

Endi Elena Rybakına jartylaı fınalǵa shyǵý úshin álemniń 76-raketkasy, chehııalyq Karolına Mýhovamen kezdesedi.

Dastan KENJALIN,

ASTANA