الماتىدا توعىزقۇمالاقتان جاسوسپىرىمدەر اراسىندا قالالىق سايىس وتەدى

21 ءساۋىر كۇنى «الماتى ارەنا» سپورت سارايىندا توعىزقۇمالاقتان قالالىق جاسوسپىرىمدەر ءتۋرنيرى وتەدى، دەپ حابارلايدى قازاقپارات ءتىلشىسى. الماتى قالاسى دەنە شىنىقتىرۋ جانە سپورت باسقارماسىنىڭ حابارلاۋىنشا، تۋرنيرگە قالانىڭ ۇزدىك توعىزقۇمالاقشىسى №157 مەكتەپ-گيمنازيانىڭ 11 سىنىپ وقۋشىسى ايگەرىم ءالىمجان قاتىسادى. ويىن توعىزقۇمالاقتىڭ راپيد تۇرىنەن، 7 تۋردان، شۆەيتساريالىق جۇيە بويىنشا، ءۇش جاس ەرەكشەلىگى: 10، 12، 14 جاستان جوعارى قىزدار، ۇلدار اراسىندا وتەدى. تۋرنير اياسىندا «الماتى ارەنا» سپورت كەشەنىندە مۋسريات ەليباكيەۆ اتىنداعى شاحمات جانە توعىزقۇمالاق كلۋبىنىڭ اشىلۋى بولادى. ايتا كەتەيىك، توعىزقۇمالاق 4000 جىلدىق تاريحى بار قازاق حالقىنىڭ ۇلتتىق ويىنى. بۇل ويىن تۇركى تىلدەس حالىقتار اراسىندا كەڭ تاراعان. بۇگىنگى تاڭدا توعىزقۇمالاقتان حالىقارالىق، رەسپۋبليكالىق، وبلىستىق، قالالىق فەدەراتسيالار جۇمىس جاسايدى. الماتى قالاسىندا №16 وليمپيادا رەزەرۆىنىڭ جاسوسپىرىمدەر مەكتەبىندە توعىزقۇمالاق ءبولىمى بار. جىل سايىن توعىزقۇمالاقتان رەسپۋبليكالىق، قالالىق چەمپيوناتتار، تۋرنيرلەر وتكىزىلىپ تۇرادى. http://www.inform.kz/kz/almatyda-togyzkumalaktan-zhasospirimder-arasynda-kalalyk-sayys-otedi_a3018680