«جانقوش تۇراروۆقا قاتىستى داۋ شىقتى»: بوكسشى سوت الدىندا جاۋاپ بەردى

 IBO تۇجىرىمى بويىنشا جارتىلاي ورتا سالماقتاعى الەم چەمپيونى جانقوش تۇراروۆ تاعى دا سوت الدىندا جاۋاپ بەردى، دەپ حابارلادى «سۇيەكتەن ۇر» تەلەگرام-ارناسى.

2018 جىلى ول Sky Bar-داعى اتىستان كەيىن بولعان توبەلەسكە بايلانىستى سوتقا قاتىستى. بۇل جولى ءبارى جاقسى اياقتالدى. 2021 جىلى جانقوش تۇراروۆتىڭ سوت ورىنداۋىشىنى قورقىتقانى تۋرالى اقپارات تارادى. وتكەن جىلى  جول اپاتىنا ءتۇستى، كولىگىمەن باسقا كولىكتى سوعىپ كەتتى. سوتقا بوكسشى بەينەبايلانىس ارقىلى قاتىستى. سوتتىڭ مالىمەتىنشە، ول كەزدە سپورتشى «ۋاقىتشا جۇمىسسىز» بولعان. سوندىقتان دا، وعان قاتال ۇكىم شىعارىلماعان سەكىلدى. 61 260 تەڭگە كولەمىندە ايىپپۇل سالىندى، — دەپ جازادى دەرەككوز.

ەسكە سالا كەتەيىك، ناۋرىزدا تۇرار مەكسيكالىق  الەحاندرو مەنەسەستى جەڭدى. جەكپە-جەك 12 راۋندقا ەسەپتەلگەنمەن، 10 راۋندتا قارىلاسىنىڭ كوزىنەن قان اعىپ كەتتى. دارىگەرلەر رۇقسات بەرگەنىمەن، بوكسشىنىڭ كومانداسى ايقاستى جالعاستىرۋدان باس تارتتى. ءسويتىپ، قازاقستاندىق بوكسشى تەحنيكالىق نوكاۋتپەن جەڭىسكە جەتتى.

تۇراروۆ ءۇشىن بۇل 27-جەڭىس بولدى. ول  جارتىلاي ورتا سالماقتا IBO تۇجىرىمى بويىنشا الەم چەمپيونى اتاندى.

كەيىن تۇراروۆتىڭ جەكپە-جەگىن ۇيىمداستىرعان Movida Promotions پروموۋتەرلىك كومپانياسى ليتسەنزياسىنان ايىرىلدى.

بوكسشىنىڭ ءوزى تيتۋلىنان ايىرىلعان جوق.