Búgin taǵy eki boksshymyz jeńiske jetti (VIDEO)

Búgin О́zbekstannyń Tashkent qalasynda bokstan eresekter arasynda ótip jatqan álem chempıonatynda taǵy eki bylǵary qolǵap sheberimiz sharshy alańǵa shyǵyp, jeńiske jetti.

Áýeli 1/16 fınalyndyń jekpe-jeginde rıngke 86 kg salmaqtaǵy Saǵyndyq Toǵambaı kóterildi. Ol Kongo ókili  Natan Nlandý Mbelıdi eki ret nokdaýnǵa jiberip, odan soń nokaýtqa túsirdi.

Bul kezdesýde tóreshisi Afrıka ókiliniń eki ret nokdaýnǵa túsýine baılanysty úsh ret esep ashty. Úshinshisinde referı aıqasty toqtatyp, nokaýt tirkedi.

Odan keıin sharshy alańǵa 63,5 kg salmaq dárejesindegi Sanatáli Tóltaev shyqty. Boksshy 1/32 fınaldaǵy alǵashqy jekpe-jegin Izraıldiń sportshysy Ahmad Shtıvıge qarsy ótkizdi. Bul aıqasta Sanatáli  upaı boıynsha jeńiske jetti.

Keshe Talǵat Syrymbetov (60 kg) pen Aıbek Oralbaı (92 kg) qarsylastarynan basym túsip, kelesi aınalymǵa joldama alǵan bolatyn.

Dastan KENJALIN,

ASTANA