Tennısten jasóspirimder quramasy tuńǵysh ret álem chempıonatyna joldama aldy (VIDEO)

Tennısten Qazaqstan quramasy 16 jasqa deıingiler arasynda Azııa — Tynyq muhıty aımaǵy boıynsha Shymkent qalasynda ótip jatqan álem chempıonatynyń irikteý týrnıriniń fınalyna shyǵyp, alǵash ret álemdik dodaǵa joldama aldy.

Qazaqstan tennısshileri álemniń úzdik komandalarynyń biri, «Bıllı Djın Kıng» kýbogyn bes ret jeńip alǵan Avstralııa quramasyn 2:0 esebimen utty.

Komandalardyń birinshi kezdesýinde Arınaoa Gogýlına jasyl qurlyqtyń ókili Anna Sýbasıchti 7:5, 3:6, 7:5 esebimen jeńse, Polına Slepova Avstralııa jasaǵynyń lıderi Tahlııa Kokkınısten 7:5, 6:4 esebimen basym tústi.

Endi bıyl kúzde elimizdiń jasóspirimder quramasy tuńǵysh ret Juniors Billie Jean King álem chempıonatyna qatysady. Álemdik dodada 16 eldiń ókilderi kúsh synasady.

Erteń Qazaqstan quramasy 16 jasqa deıingiler arasynda Azııa — Tynyq muhıty aımaǵy boıynsha Shymkent qalasynda ótip jatqan álem chempıonatynyń irikteý týrnıriniń fınalynda Japonııa men Ońtústik Koreıa arasyndaǵy oıynda jeńgen komandamen kezdesedi.

Dastan KENJALIN,

ASTANA

 

View this post on Instagram

 

A post shared by Kazakhstan Tennis Federation • Astana Open (@ktf.kz)